SASABANGNGA 14:21 - WUKE SUSI WATTI'U AL᷊AL᷊USASSA

²¹ Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 14:21 Iomraidhean Croise

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

2 MARARATU 2:8

I Elia namallossu jubane, ana see nilul᷊unna wuṛṛu niwal᷊atta su ua'en sal᷊ukka udde. Ne ua'en sal᷊ukka udde natahia darua, na'oman sara itaruan Elisa wotongnge naamatta su mamaranne.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

AYUB 26:12

Tahal᷊oangnga uasuṛṛubbawa su taṛṛino-Ne wuṛṛu i Rahab nipuullu asingkan-Ne.

AYUB 38:24

Masingkatewe i'o punnu matannallo? ara'e wuassuapa anginna ra'i tinumiuppa?

DARALO 136:13

Tahal᷊oangngu Gelagah niwa'a-Ne; darangngu-Ne tawe panguddusanne;

DARALO 148:8

ei sawallo wuṛṛu uranna eisse, salju wuṛṛu winabbawa, anginna ma'ikkatta apan tuttuṛṛutta parentan Mawu!

DARALO 66:6

Tahal᷊oanga niwal᷊u-Ne nabbal᷊i leta'a mamara, al᷊amonan kami nilumewessa ringannu u'amattu ledda. Ne i yami lulluassa ana waugu inolaan-Ne.

DARALO 74:13

Ringannu atatohassa apan wahewalla I'o nama'a tahal᷊oangnga, wuṛṛu namesangnga puan manga naga su tahal᷊oangnga.

DARALO 78:13

I Tou nama'a tahal᷊oangnga, ana see napal᷊ewessi mangitou; ua'e naipattaalla ere niṛṛappinganna.

SASABANGNGA 14:16

Wattea'a ta'innu su wowon tahal᷊oangnga. Ne ua'e sarun matahia darua wuṛṛu taumatan Israel wotongnge lumewessa tahal᷊oangnga ringannu umamatta su wantane apan namarate.

SASABANGNGA 14:20

su wallatu tantara Mesir wuṛṛu tantaran Israel. Winabbawa udde naarandummam runia, na'oman sara al᷊o'engngu ṛabbi wuntuannu tantara darua udde tawe mapangundani sambau ringannu waine.

SASABANGNGA 15:8

I'o nattiuppa tahal᷊oangnga, ua'e mallul᷊unna matanggakka, uarisikka matul᷊idda naal᷊ihidda darandungnga, na'oman sara wantan tahal᷊oangnga wotongnge amatanna.

SASABANGNGA 7:19

Mawu nabbisara si Musa, “Doloṛṛa'e i Harun manganu ta'inne wuṛṛu wattea'a ire'e su anambon sal᷊ukka, manga enggesanne wuṛṛu manga li'u su Mesir. Ua'ene sarun mabbal᷊i daṛṛa, wuṛṛu su ahewallu wanua sarun pia daṛṛa, ewe'e lai sulal᷊ummu manga bowongnga alu wuṛṛu manga wensadda watu.”

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 51:15

Ana waugu ete i Ya'u Mawu Ruatanu, apan napatandi'u tahal᷊oangnga na'oman sara luangnge ruddapa. Apan Lembontaṛṛino uddewe arang-Ku.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 63:13

Suapate Mawu apan nangehetta si mangitou u'amatta su ua'e apan mal᷊al᷊umma? Naal᷊ihidda awal᷊o u'amatta su wadda'u anne, i mangitou tawe saran paassa natara.”

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

YOSUA 2:10

Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.

YOSUA 4:23

Wattia'a si mangitou manungku Mawu Ruatanu napamaran ua'en Sal᷊ukku Yordan udde si yamiu na'oman sara i yamiu sarangkanambone naddatingnga su samba'ane, ere lai i Tou napaamaran Tahal᷊oangngu Gelagah si yami,