SASABANGNGA 14:18 - WUKE SUSI WATTI'U AL᷊AL᷊USASSA

¹⁸ Ne taumata Mesir sarun maasingkatta manungku ete i Ya'u Mawu.”

SASABANGNGA 14:18 Iomraidhean Croise

SASABANGNGA 10:2

wuṛṛu tadea'u i'o wotongnge mabbatti'a su ana'a pulunnu ereapa i Ya'u nannalangnga balahannu Mesir ringannu manga al᷊aṛṛindu'a udde. Ne i yamiu sarangkanambone masingkatta manungku ete i Ya'u Mawu.”

SASABANGNGA 14:25

I Tou na'ola'a manga bolan kereta mangitou tawe tumiri, na'oman sara ringannu masahadda i mangitou umamatta. Unnu taumata Mesir, “Mawu mannahekku taumatan Israel mandoappa si ite. Weete i ite tumal᷊angke wua isindi!”

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 7:17

Ana waugu udde, Mawu nabbisara arendi, ‘Wuassu sarangkanambone apan Ta'u olaanna sal᷊immurine, i'o sarun maasingkatta manungku ete i Ya'u Mawu. Ringannu ta'inna indi ya'u sarun mamuulla ua'en sal᷊ukka, wuṛṛu ua'ene sarun mabbal᷊i daṛṛa.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

YEHEZKIEL 28:22

Pasingkata'e su tumanangnge manungku i Ya'u Mawu Apan Atanggaṛṛanne mabbisara si mangitou, ‘I Ya'u indi seennu, ei Sidon. Manga taumata sarun maddalo si Ya'u ana waugu inolaang-Ku su saruannu. Sutempo i Ya'u nakkuumannu tumanangngu, i mangitou sarun maasingkatta manungku ete i Ya'u Mawu apan na'ukkassa.

YEHEZKIEL 32:15

Napawe Mesir Ta'u olaanna wadda'u anne apan mal᷊annabba, see Ta'u pateanna sarangkanambone apan utana'a isudde, i mangitou sarun maasingkatta manungku ete i Ya'u Mawu.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.