SASABANGNGA 13:3 - WUKE SUSI WATTI'U AL᷊AL᷊USASSA

³ I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 13:3 Iomraidhean Croise

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

1 TAWARIKH 16:12

Ei papapulunni Yakub, allangngu Ruata! Ei papapulunnu Israel, walahanna apan nipile-Ne! Naungete anambon al᷊aṛṛindu'a apan niolang-Nge, imbaṛṛangnga abbul᷊iananna manga tita-Ne.

NEHEMIA 1:10

Mawu, i yami indi manga allang-Ngu, uman-Nu sassane apan buatte niapasal᷊aman-Nu ringannu taṛṛino wuṛṛu atatohan-Nu apan wahewalla.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

DARALO 105:5

Ei papapulunni Abraham, allang-Nge, wuṛṛu papapulunni Yakub, taumata nipile-Ne, naungete anambon al᷊aṛṛindu'a apan niolang-Nge, imbaṛṛangnga maabul᷊in manga parenta-Ne.

DARALO 114:1

Sutempo walahannu Israel sinumabbanga wuassu Mesir, sutempo papapulunni Yakub nanantangngu wanua awagananna,

DARALO 136:11

Israel niehen-Ne sinumabbanga wuassu Mesir; darangngu-Ne tawe panguddusanne;

DARALO 136:12

ringannu ta'iakka ma'uatta wuṛṛu matohassa; darangngu-Ne tawe panguddusanne.

DARALO 89:14

Aroddi ahewalle taṛṛino-Nu, wuṛṛu aroddi ahewalle atatohan-Nu!

SASABANGNGA 12:15

Mawu nabbisara, “Pitu allo al᷊annune i yamiu imbaṛṛangnga umanna roti pia ragine. Su allo paarorone anambon ragi ṛinone iapasabangnga wuassu wal᷊enu, ana waugu al᷊annune pitu allo udde pia sangkatou niumanna roti pia ragine, i tou tawe wotongnge mareengnga su al᷊aṛṛana-U.

SASABANGNGA 12:17

Su allo udde walahannu sarangkanambone Ta'u iapidda sumabbangnga wuassu Mesir. Ana waugu udde sarangkal᷊o'engnge, suapan tonna, allo udde ṛinone nanaunganni yamiu maola'a sambau allo wahewa.

SASABANGNGA 12:2

“Wul᷊anna indi maola'a wul᷊anna paarorone wuassu tonna pananaungannu.

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 12:42

Ṛabbi udde Mawu sidutu uataṛṛapa manguntuddi mangitou sumabangnga wuassu Mesir. Wuṛṛu eteudde lai ṛabbi apan sarangkal᷊o'engnge ionggola su Mawu maola'a sambau ṛabbi pananaunganna. Su ṛabbi udde walahannu Israel ṛinone uatehamma.

SASABANGNGA 12:8

Ṛabbi udde lai remene ṛinone itambunna wuṛṛu inasanna ringannu sayore mapetta wuṛṛu roti tawe ragine.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:9

Ramea indi maola'a pananaunganna si yamiu naal᷊ihidda tatiala apan niwa'issa si ta'iakka ara'e su pakkannu. Ramea indi mapaanaungnga si yamiu tadea'u sidutu mabbatti'a wuṛṛu mangngurumma manga Tita Mawu, ana waugu Mawu napaasabbangngi yamiu wuassu Mesir ringannu taṛṛino-Ne apan bahewalla.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 20:8

Laghua'awe allon Sabat wuṛṛu addate allo udde maola'a allo apan na'ukkassa.

SASABANGNGA 23:15

Sulal᷊ummu wul᷊anna Abib, su allo apan buatte tinantunna, i yamiu ṛinone maddamean Andeangngu Roti Tawe Ragine ringannu tul᷊adane apan Ta'u niparenta si yamiu, ana waugu sulal᷊ummu wul᷊anna udde i yamiu nanantangngu Mesir. Imbaṛṛangnga umanna roti apan niola'a nappaatu ragi sulal᷊ummu ramea pitu allo udde. Suapan i yamiu rumanta mattaṛṛamawu si Ya'u, i yamiu ṛinone mangapiddu aonggolla.

SASABANGNGA 3:20

Arawe i Ya'u sarun mappa'attu taṛṛino-U, wuṛṛu makkuumannu Mesir ringannu manga asasusa apan bahewalla Ta'u iapa ta poiaroddi. Wua'udde, i tou sarun mamalan kamiu umamatta.

SASABANGNGA 34:18

Ramea'e Andeangngu Roti Tawe Ragine. Ere lai buatte Ta'u nirolokka si'o, i yamiu ṛinone umanna roti tawe ragine al᷊annune pitu allo sulal᷊ummu wul᷊anna Abib, ana waugu sulal᷊ummu wul᷊anna udde i yamiu nanantangngu Mesir.

SASABANGNGA 6:1

Ruata nabbisara si Musa, wisarane, “Ete i Ya'u Mawu.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

DANIEL 9:15

Oh Mawu, Ruatan kami, I'o buatte napal᷊iatta'u taṛṛino-Nu ringannu nangapiddu uman-Nu sinumabbangnga wuassu Mesir, wuṛṛu ma'ola'a pasasal᷊a.

MATIUS 10:12

Su tempo i yamiu sumutta su wal᷊e, pabbisarate, ‘Antimanna Mawu mangal᷊amatta si yamiu.’

LUKAS 22:19

Wua'udde Mawu Yesus nanganute roti. Wuṛṛu napawe suete na'adiangkamanna, i Tou nattahiate roti udde ringannu lima-Ne, see nionggolla si mangitou, wuṛṛu nabbisara, “Ete indi wadang-Ku [apan tinantilla ana waugu i yamiu. Ola'e indi maola'a sambau pananaunganna si Ya'u.”

1 KORINTUS 11:24

wuṛṛu napawe i Tou buatte naadiangkamanna su Ruata ana waugu roti udde, i Tou namesangnga roti ringannu lima-Ne, see nabbisara, “Ete indi wadang-Ku apan tinantilla ana waugu i yamiu. Ola'e indi sambau pananaunganna si Ya'u.”

1 KORINTUS 5:8

Nariaddi, wette i ite mapaawantugu andeangngi ite udde ringannu roti apan tawe ragine, eteudde roti apan naola'a sasumandingngu awawaresi, wuṛṛu al᷊awo'u apulun Duata. Arie i ite mallaghu andeangngu Paskah udde ringannu roti apan pia ragine tabbe, eteudde ragin paddarosa wuṛṛu al᷊al᷊eo.

EFESUS 1:19

wuṛṛu aroddi ahewalle Ruata mammanara ringannu napenen taṛṛino su wadangngi ite apan mangngimanna. Taṛṛinon Duata udde naal᷊ihida taṛṛino apan ahewal᷊anne,

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.

TAHIUL᷊E 16:12

Paatuṛṛute anambon parenta-Ne ringannu maṛṛimadda, wuṛṛu arie paabul᷊iane manungku dorone i yamiu allangnga su Mesir.”

TAHIUL᷊E 16:3

Sasamban Paskah udde ṛinone landinannu roti tawe ragine. Pitu allo al᷊annune i yamiu ṛinone u'anna roti apan tawe ragine, ere lai su tempo i yamiu nanantangngu leta'u Mesir ringannu uasasaṛṛawutta. Ante roti udde, roti apan isassago roti pattataṛṛanga, tadea'u su al᷊o'engngu pabbiaṛṛannu i yamiu maanaungnga allo su tempo i yamiu nanantangngu Mesir, su tampa i yamiu uatataṛṛanga.

TAHIUL᷊E 24:18

Paanaunge manungku i yamiu buatte naola'a allangnga lai su Mesir wuṛṛu nipallossu Mawu Ruatanu; ana waugu udde i ya'u nangonggolu atoranna indi si yamiu.

TAHIUL᷊E 24:22

Paanaunge manungku i yamiu buatte naola'a allangnga su Mesir; ana waugu udde i ya'u nangonggolu atoranna indi si yamiu.

TAHIUL᷊E 26:8

Ringannu taṛṛino wuṛṛu atatohassa apan bahewalla I'o namallosi yami wuassu Mesir. I'o na'ola'a manga tanda ma'atiangnga wuṛṛu manga al᷊aṛṛindu'a wuṛṛu manga arariadianna apan maata'utta seetta.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 5:15

Paanaunge manungku i yamiu dorone niallangnga su Mesir, ana see nipallosu Mawu Ruatanu ringannu atatohassa apan bahewalla. Ana waugu udde i yamiu Ta'u niparentanna mallaghun allon Sabat.

TAHIUL᷊E 5:6

‘Ete i Ya'u Mawu Ruatanu apan nangapiddi yamiu sinumabbangnga wuassu Mesir, su tampa i yamiu mattaṛṛuallanga.

TAHIUL᷊E 6:12

paariagai mapia-pia tadea'u imbaṛṛangnga i yamiu maabul᷊in Mawu apan buatte namallosi yamiu wuassu Mesir, su tampa i yamiu niola'a allangnga.

TAHIUL᷊E 6:21

Ne i yamiu ṛinone sumimbakka arendi, ‘Dorone i ite naola'a allangngu ratun Mesir, ana see namallossi ite ringannu atatohassa apan bahewalla.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

TAHIUL᷊E 9:12

Ana see Mawu nabbisara si ya'u, ‘Sossoke paal᷊ihakka, ana walahannu apan Ta'u niapidda sinumabbangnga wuassu Mesir buatte na'ola'a al᷊al᷊eo. I mangitou buatte nanewadda wuassu manga parenta-U, wuṛṛu na'ola'a paal᷊uanna subbanni mangitou.’

YOSUA 24:17

Ete Mawu Ruatan kite apan napaasabangngu manga al᷊amonan kite wuṛṛu i ite sassane wuassu pattataṛṛuallanga su Mesir. I ya'u naasilote manga al᷊aṛindu'a apan niola'u Mawu. Mawu sidutu ual᷊u'adda si ite su al᷊o'engngu amatani ite, sussabbi wanua manga taumata waine.

MAL᷊AṚṚUUNGNGA 6:8

Mawu nandolokku sangkatou nabi ringanni mangitou. Nabi udde nabbisara, “Etearendi wisaran Mawu, Ruatan Israel: ‘I yamiu buatte Ta'u nipallossa wuassu patataṛualanganna su Mesir.