SASABANGNGA 13:19 - WUKE SUSI WATTI'U AL᷊AL᷊USASSA

¹⁹ I Musa nangapiddu manga duṛṛin i Yusuf, ana waugu su tempo i tou wiakka, i Yusuf nandolokku taumata Mesir nassalu manungku ma'ola'a aroddi. Arendi tanatan i Yusuf, “Su tempo Mawu mamallossi yamiu, winal᷊unangku ṛinone iapiddi yamiu wuassu tampa indi.”

SASABANGNGA 13:19 Iomraidhean Croise

PANDARIADDI 48:21

Ana see i Yakub nabbisarate si Yusuf, “Erete lai aellehannu, papate'u maranite, arawe Ruata sarun mantul᷊ungngi yamiu wuṛṛu mangapiddi yamiu mabelengnga watukku wanuan al᷊amonanu.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

LUKAS 1:58

Manga al᷊indonganne wuṛṛu manga tuṛṛangnge naaringikka aroddi apiane Ruata si Elisabet, ne i mangitou lulluasse su sampunna ringanni tou.

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

WATTI'U MANGA RASUL 7:15

Ne i Yakub nangingkatte watukku Mesir wuṛṛu isudde i tou wuṛṛu iupungngu al᷊amonang kite, nate.

WATTI'U MANGA RASUL 7:16

Winal᷊unanni mangitou niapidda apia su Sikhem wuṛṛu nilabingnga su lal᷊abinganna apan suete niwallianni Abraham ringannu roitta wuassu taumatan walahannu Hemor su Sikhem.

IBRANI 11:22

Ana waugu mangngimanna, ne i Yusuf – su tempo maraniten mate – nabbisara su ola'u sasabangu taumatan Israel wuassu Mesir, wuṛṛu nanantangu tanata, su ola'u winal᷊unanne ṛinone olaanna ereapa.

YOSUA 24:32

Winal᷊unanni Yusuf apan niapiddu ṛuangannu Israel wuassu Mesir, nilabingnga su Sikhem su leta'a apan buatte niwallianni Yakub, aregane maṛṛasutta roitta sal᷊a'a wuassu al᷊aṛana'i Hemor, iamangngi Sikhem. Leta'a udde tinantilla su papapulunni Yusuf.