SASABANGNGA 12:8 - WUKE SUSI WATTI'U AL᷊AL᷊USASSA

⁸ Ṛabbi udde lai remene ṛinone itambunna wuṛṛu inasanna ringannu sayore mapetta wuṛṛu roti tawe ragine.

SASABANGNGA 12:8 Iomraidhean Croise

2 TAWARIKH 35:13

Ana see manga taumatan Lewi namangganga sasamban Paskah udde su putungnga, uasul᷊ungngu atoranna, wuṛṛu nallaha manga sasamba niṛṛae udde sulal᷊ummu urinna, wua'udde ṛemene mal᷊iha-l᷊ihakka tinahia su manga taumata.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

SASABANGNGA 1:14

wuṛṛu nanansarate wiakki mangitou. Ringannu tawe aakkanne i mangitou niwata'a mammanara masahadda su manga pa'olaanna wal᷊en wuṛṛu su manga wawail᷊anna.

SASABANGNGA 12:9

Ana'u domba udde ṛinone pangganganna tal᷊impu'u suadio'a ringannu puane, leddane wuṛṛu lal᷊oṛṛon tianne. Inasse remene apan buatte nipangganga udde, arie piaddu uminassa tata ara'e itunna.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 13:7

Al᷊annune pitu allo i yamiu imbaṛṛangnga umanna roti apan pia ragine, wuṛṛu su ahewallu wanuanu imbaṛṛangnga pia ragi ara'e saranapa apan pia ragine.

SASABANGNGA 23:18

Imbaṛṛangnga mangonggolu roti apan pia ragine su tempo i yamiu mangonggolu sasamba winatangnga si Ya'u. Tawan binatangnga apan niola'a sasamba nionggola si Ya'u su tempo manga ramea udde tawe wotongnge itantangnga ma'oman sara tiṛṛabbi rua'allone.

SASABANGNGA 34:25

Su tempo i yamiu mangonggolu sasamba niṛṛata, imbaṛṛangnga mangonggolu saranapa apan niola'a nappaattu ragi. Winatangnga apan niṛṛata maola'a sasamba su ramean Paskah ṛinone insueanna ṛabbi udde lai; tawe wotongnge pia lambene ma'oman sara tiṛṛabbine marua allo.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

AMOS 4:5

Pangonggollen roti maola'a aadiangkamannu si Ya'u, wuṛṛu pattal᷊imoṛṛongante manungku i yamiu buatte nangapiddu tatimun sasamba! Eteudde apan mal᷊uassa a'olaanni yamiu!

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 16:12

Panginsueanne mallal᷊aṛṛenggennu Mawu Yesus naasunnate manungku Mawu Yesus mammarenta si mangitou paariaga wal᷊inewe wuassu ragi apan ipappaatta ipa'ola'a roti, arawe su saruannu manga al᷊aṛṛa'u taumatan Farisi wuṛṛu Saduki.

MATIUS 26:26

Su tempo i mangitou u'anna, Mawu Yesus nanganute roti, see inumal᷊iomanna na'adiangkamanna. Wua'udde i Tou nattahiate roti ringannu lima-Ne nionggole su mallal᷊aṛṛenggen-Ne ringannu wisara-Ne, “Sengkampe, wuṛṛu ante; indi wadang-Ku.”

GALATIA 5:9

“Ragi addio'a sarun mapaatuwon anambon taponna niluakka,” unnu taumata.

TAHIUL᷊E 16:7

Lahate ṛemessa udde wuṛṛu inasse su tampa apan nipilen Mawu Ruatanu, ana see apul᷊ete watukku wal᷊enu tiṛṛabbine marua'allo.

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.