SASABANGNGA 12:51 - WUKE SUSI WATTI'U AL᷊AL᷊USASSA

⁵¹ Su allo udde Mawu nangapiddu anambon balagu Israel sinumabbangnga wuassu Mesir.

SASABANGNGA 12:51 Iomraidhean Croise

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

1 MARARATU 6:1

I Salomo mannattake mapararisikku Wal᷊en Mawu su wul᷊anna Ziw, eteudde wul᷊anna aruane, sulal᷊ummu tonna aiappanne i tou uaparenta, 480 su tonnane napawe walahannu Israel nanantangngu Mesir.

2 TAWARIKH 14:12

Ana'i Asa wuṛṛu tantaran Yehuda namangalote tantaran Sudan. Mawu namaddon tantaran Sudan na'oman sara i mangitou tinumal᷊angngu watanganne.

DARALO 114:1

Sutempo walahannu Israel sinumabbanga wuassu Mesir, sutempo papapulunni Yakub nanantangngu wanua awagananna,

DARALO 136:11

Israel niehen-Ne sinumabbanga wuassu Mesir; darangngu-Ne tawe panguddusanne;

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 12:50

Taumatan Israel sarangkanambone matuṛṛutta wuṛṛu maddaringikka sarangkanambone apan niparenta Mawu si Musa wuṛṛu si Harun.

SASABANGNGA 13:1

Mawu nabbisara si Musa, “Onggol᷊a'e sasamba anambon ana'a esakka pahul᷊u si Ya'u. Suapan ana'a esakka pahul᷊u su Israel, wuṛṛu suapan binatangnga esakka wuṛṛu paarorone niasungkangnga, udde tatahuanang-Ku.”

SASABANGNGA 16:1

Ana see anambon walahannu Israel nanantangken Elim, wuṛṛu su allo appul᷊one lima wul᷊anna aruane napawe i mangitou buatte nanantangngu Mesir, i mangitou na'omate su wadda'u Sin, su wallatu Elim wuṛṛu Wowon Sinai.

SASABANGNGA 19:1

Wua'udde walahannu Israel nanantangngu Rafidim, wuṛṛu su allo paarorone wul᷊anna atallune napawe i mangitou wua nanantangngu Mesir, i mangitou naddatingke su wadda'u Sinai. I mangitou naddasanna su wawal᷊annu Wowon Sinai,

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 6:26

Itarua sinumaruanna ratu Mesir tadea'u i tou mamallossu taumatan Israel.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

IMAMATTA 23:43

tadea'u papapulunnu maasingkatta manungku Mawu nandolokku walahannu Israel matana'a sulal᷊ummu manga rasanna sambengessa, su tempo i Tou nangapiddi mangitou sinumabbangnga wuassu Mesir. Ete i Tou Ruatanu.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

REENGANNA 23:22

Ruata apan nangapiddi mangitou sinumabbangnga wuassu Mesir; naal᷊ihidda bantenga mal᷊aṛṛaga i Tou namangalo uasamba'a si mangitou.

REENGANNA 33:1

Napawe walahannu Israel nanantangken Mesir, sulal᷊ummu atokke tumuṛṛuttu ṛuangannu sambau-sambau su piaṛṛa'i Musa wuṛṛu i Harun, i mangitou niumotongnga si manga pira tampa.

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

YOSUA 24:5

Wua'udde i Ya'u nandolokki Musa wuṛṛu i Harun, wuṛṛu nandantan sa'itta apan bahewalla su Mesir, ana see i Ya'u napasabangngi yamiu wua poiaroddi.

YUDAS 1:5

Sarangkanambone udde i yamiu masingkatte. Arawe i ya'u maapulu mapaanaungngi yamiu su ola'u ereapa Mawu manal᷊amatta walahannu Israel wuassu leta'u Mesir, arawe wua'udde namate manga taumata apan tawe mangngimanna su wallatti mangitou.