SASABANGNGA 12:29 - WUKE SUSI WATTI'U AL᷊AL᷊USASSA

²⁹ Ṛabbi mattangnga udde Mawu namate anambon ana'a esakka pahul᷊un balahannu Mesir, manattakka wuassu ana'u ratu, maddatingngu ana'u manga taumata sulal᷊ummu tutupanna. Anambon binatangnga apan paarorone niasungkangnga lai nipate.

SASABANGNGA 12:29 Iomraidhean Croise

PANDARIADDI 15:14

Arawe balahanna apan mangngallangnga papapulunnu udde sarun Ta'u iṛṛuumanna wuṛṛu su tempo papapulunnu manantangngu wanua udde, i mangitou sarun mangapiddu manambo darortongnga.

AYUB 34:20

Su ṛabbi mattangnga, i mangitou inaṛṛombanganne mate. Ruata makkuumannu tembonanne wuṛṛu i mangitou lai nate; ringannu mal᷊uassa i Tou namate taumata matohassa.

DARALO 105:36

Ana see namate ana'a esakka pahul᷊une sulal᷊ummu sambau amonannu taumatan Mesir.

DARALO 135:8

Su Mesir i Tou namate anambon ana'a pahul᷊u wuassu taumata ara'e winatangnga.

DARALO 136:10

I Tou namate manga pahul᷊u su Mesir; darangngu-Ne tawe panguddusanne.

DARALO 78:50

I Tou tawe naṛṛaddannu asasa'u-Ne ara'e niumakkannu wiakki mangitou, arawe namate si mangitou ringannu radda'u manu'a.

DARALO 78:51

I Tou namate manga ana'a esakka pahul᷊une sulal᷊ummu sambau amonannu taumatan Mesir.

SASABANGNGA 11:1

Mawu nabbisara si Musa, “I Ya'u sarun mangema'u sambau asasilaka lai su ratu Mesir wuṛṛu tumanangnge. Wua'udde, i tou sarun mamallossi yamiu inai mapul᷊e. Ewe'e i yamiu sarangkanambone sarun limbuaṛṛanni tou wua isindi.

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

SASABANGNGA 12:28

Ana see i mangitou inaite wuṛṛu na'ola'a apa apan nirolokku Mawu si Musa wuṛṛu si Harun.

SASABANGNGA 13:15

Su tempo ratu Mesir maatikka naungnge wuṛṛu maddiri mamallossi ite mapul᷊e, Mawu namate suapan ana'a esakka pahul᷊une su Mesir, mawae ete taumata aroddi lai winatangnga. Ana waugu udde i ite mangonggollu sasamba su Mawu suapan binatangnga esakka apan paarorone niasungkangnga, arawe waeṛṛanni ite ana'i ite pahul᷊une.’

SASABANGNGA 4:23

wuṛṛu i'o buatte Ta'u nirolokka mamalan ana'U udde inai tadea'u i tou wotongnge mattaṛṛamawu si Ya'u, arawe i'o nanol᷊a'a. Orassa indi i Ya'u sarun mamate anangngu pahul᷊une.’ ”

SASABANGNGA 9:6

Su allo tiṛṛabbi Mawu na'ola'a ere buatte nipasingkan-Ne. Anambon binatangngu walahannu Mesir nate, arawe wuassu winatangngu walahannu Israel taweddu nate.

YESAYA 24:22

I mangitou sarun iammulla suadio'a naal᷊ihidda taumata tataṛṛanganna sulal᷊ummu liangnga, wuṛṛu nitaṛṛo sulal᷊ummu tutupanna maddatingngu tempone i tou iṛṛuumanna.

YESAYA 41:11

Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

YESAYA 51:14

Manga atawanna sarun mal᷊ihakke ipallossa; i mangitou sarun tawe asueannu anna, wuṛṛu sarun tawe mate wuṛṛu ilabbinga.

YEREMIA 38:13

Wua'udde i mangitou nabbatunna si ya'u, sinumabbangnga wuassu paṛṛihi udde. Wua'udde i ya'u tinaṛṛanganna su rallakku wal᷊en araratuanna udde.

YEREMIA 38:6

Wua'udde i mangitou nanganute si ya'u wuṛṛu i ya'u nisossokka ringannu tal᷊i sulal᷊ummu paṛṛihi Malkia parinsin datu, apan aaddone su rallakku wal᷊en araratuanna. Tawe ua'e sulal᷊ummu paṛṛihi udde, tumba'u labbo, ne i ya'u sinumuttate sulal᷊ummu labbo udde.

HABAKUK 3:5

I'o nandolokku radda'a u'amatta su saruan-Nu wuṛṛu papate uatantalongnga su liddu Mawu.

ZAKARIA 9:11

Mawu nabbisara su uman-Ne, “Ringannu paaire apan Ta'u niola'a si yamiu, paaire apan nitialanu daṛṛan sasamba, sarun Ta'u ipallossa tumanangngu apan uatataṛṛangnga sulal᷊ummu pamamuanganna naal᷊ihidda taumata apan uataṛṛo sulal᷊ummu paṛṛihi mamara.

REENGANNA 33:4

apan tantal᷊anna mallabbingngu manga ana'i mangitou pahul᷊u apan buatte nipaten Mawu. Ringannu inolaanna udde, Mawu napal᷊iatta'a manungku i Tou mattohasanna wuassu manga mongannu Mesir.

REENGANNA 8:17

Su tempo i Ya'u namate anambon ana'a pahul᷊u su Mesir, ana'a pahul᷊u wuassu suapan amonannu Israel wuṛṛu suapan binatangnga apan niasungkangnga paarorone buatte Ta'u niola'a pussa'a-U apan niṛṛae.

IBRANI 11:28

Ana waugu mangngimanna, ne i Musa nallaghum Paskah wuṛṛu namarenta tadea'u iwokka ṛaṛṛa su ngara wal᷊en taumatan Israel taddea'u Mala'ekattu Papate tawe mamate al᷊aṛṛana'a pahul᷊u mangitou.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.