SASABANGNGA 12:15 - WUKE SUSI WATTI'U AL᷊AL᷊USASSA

¹⁵ Mawu nabbisara, “Pitu allo al᷊annune i yamiu imbaṛṛangnga umanna roti pia ragine. Su allo paarorone anambon ragi ṛinone iapasabangnga wuassu wal᷊enu, ana waugu al᷊annune pitu allo udde pia sangkatou niumanna roti pia ragine, i tou tawe wotongnge mareengnga su al᷊aṛṛana-U.

SASABANGNGA 12:15 Iomraidhean Croise

PANDARIADDI 17:14

Suapan taumata esakka apan tawe nisunatta tate lai mareengnga al᷊aṛṛana-U ana waugu i tou tawe uaaggassa pa'aire udde.”

2 TAWARIKH 30:21

Pitu allo al᷊annune, ringannu tumaniten lulluassa manga taumata apan uaammula su Yerusalem nallaghun ramean Roti Tawe Ragine. Allo-allo manga taumatan Lewi wuṛṛu manga imam maddalo Mawu ringannu atonna-tonna.

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

SASABANGNGA 12:8

Ṛabbi udde lai remene ṛinone itambunna wuṛṛu inasanna ringannu sayore mapetta wuṛṛu roti tawe ragine.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 23:15

Sulal᷊ummu wul᷊anna Abib, su allo apan buatte tinantunna, i yamiu ṛinone maddamean Andeangngu Roti Tawe Ragine ringannu tul᷊adane apan Ta'u niparenta si yamiu, ana waugu sulal᷊ummu wul᷊anna udde i yamiu nanantangngu Mesir. Imbaṛṛangnga umanna roti apan niola'a nappaatu ragi sulal᷊ummu ramea pitu allo udde. Suapan i yamiu rumanta mattaṛṛamawu si Ya'u, i yamiu ṛinone mangapiddu aonggolla.

SASABANGNGA 30:33

Taumata apan na'ola'a lana ereudde, ara'e mappaatta su taumata apan bal᷊ine imam, tate lai mareengnga al᷊aṛṛana-U.”

SASABANGNGA 30:38

Isai apan ma'ola'a saranapa mawangngi ereudde, tate mareengnga reengannu al᷊aṛṛana'-U.”

SASABANGNGA 31:14

Allon pangillol᷊oanna udde ṛinone addatanni yamiu maola'a sambau allo apan susi. I yamiu Ta'u nionggol᷊annu annummu allo ipammanara, arawe allo appitune eteudde allo wahewalla apan niṛṛae si Ya'u. Isai apan tawe mangaddata allo udde, arawe mammanara su allo udde ṛinone iṛṛuumanna pateanna.

SASABANGNGA 34:18

Ramea'e Andeangngu Roti Tawe Ragine. Ere lai buatte Ta'u nirolokka si'o, i yamiu ṛinone umanna roti tawe ragine al᷊annune pitu allo sulal᷊ummu wul᷊anna Abib, ana waugu sulal᷊ummu wul᷊anna udde i yamiu nanantangngu Mesir.

SASABANGNGA 34:25

Su tempo i yamiu mangonggolu sasamba niṛṛata, imbaṛṛangnga mangonggolu saranapa apan niola'a nappaattu ragi. Winatangnga apan niṛṛata maola'a sasamba su ramean Paskah ṛinone insueanna ṛabbi udde lai; tawe wotongnge pia lambene ma'oman sara tiṛṛabbine marua allo.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 17:14

Niawan suapan riadianna udde sulal᷊ummu daṛṛane, ana waugu udde Mawu naningaddu walahannu Israel ma'inumma daṛṛa. Suapan taumata apan ma'ola'a pallal᷊aghu isassingadda udde tate lai mareengnga al᷊aṛṛana'u Ruata.

MALEAKHI 2:12

Doronganna manga taumata apan inolaanne aroddi limbuaṛṛannu Mawu wuassu umattu Israel. Antimanna i mangitou tate lai tumantalongnga ringannu walahanni ite mangonggollu manga sasamba su Mawu Apan Lembontaṛṛino.

REENGANNA 28:17

Allo manansunna, eteudde allo appul᷊one lima, manattakke Ramean Doti tawe Ragine, wuṛṛu su al᷊annune pitu allo i yamiu tawe wotongnge umanna roti apan niola'a nappaattu ragi.

REENGANNA 9:13

Arawe taumata apan tawe maarantinna wuṛṛu tawe lai sulal᷊ummu amatanna marau, sidutu wolo'a mallaghu Paskah, tate lai Ta'u ireengnga maola'a walahang-Ku, ana waugu i tou tawe nangonggolu sasamba si Ya'u su tempo apan buatte tinantunna. Taumata udde ṛinone mamasanna pangillul᷊eannu rosane.

MATIUS 16:12

Panginsueanne mallal᷊aṛṛenggennu Mawu Yesus naasunnate manungku Mawu Yesus mammarenta si mangitou paariaga wal᷊inewe wuassu ragi apan ipappaatta ipa'ola'a roti, arawe su saruannu manga al᷊aṛṛa'u taumatan Farisi wuṛṛu Saduki.

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

LUKAS 2:43

Napawe ramea udde nasuete i mangitou napul᷊ete, arawe Mawu Yesus, ana'a udde, ta'e natantangnga su Yerusalem wuṛṛu iamangnga inangnge wagga.

WATTI'U MANGA RASUL 12:3

Su tempo i Herodes naasilo manungku inolaanne udde ma'al᷊uassa naungngu manga taumatan Yahudi, i tou nattanno lai ereudde; i tou nandolokku taumata lai manametta si Petrus. Olangnge udde nariaddi su tempo Allo Wahewan Roti Tawe Ragine.

GALATIA 5:12

Lembon apianne manga taumata apan mangngal᷊iwun ṛingiṛṛannu udde mappianne lapiddu sumabbanga wuassu jamaatta!

TAHIUL᷊E 16:3

Sasamban Paskah udde ṛinone landinannu roti tawe ragine. Pitu allo al᷊annune i yamiu ṛinone u'anna roti apan tawe ragine, ere lai su tempo i yamiu nanantangngu leta'u Mesir ringannu uasasaṛṛawutta. Ante roti udde, roti apan isassago roti pattataṛṛanga, tadea'u su al᷊o'engngu pabbiaṛṛannu i yamiu maanaungnga allo su tempo i yamiu nanantangngu Mesir, su tampa i yamiu uatataṛṛanga.

TAHIUL᷊E 16:5

Winatangnga apan pateanna su Ramea Paskah ṛinone pototanna su tampa apan nipilen Mawu Ruatanu, wuṛṛu tawe wotongnge su tampa waine su ahewallu wanua apan nionggoli Tou si yamiu. Olangnge udde ṛinone olaanni yamiu su tempo matannallo umattuppe, ere lai su tempo i yamiu nanantangngu Mesir.

TAHIUL᷊E 16:8

Al᷊anune annumu allo manansunna, i yamiu ṛinone umanna roti tawe ragine. Su allo appitune i yamiu ṛinone ma'ammula massubba Mawu Ruatanu. Imbaṛṛangnga mammanara su allo udde.”