SASABANGNGA 12:14 - WUKE SUSI WATTI'U AL᷊AL᷊USASSA

¹⁴ Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

SASABANGNGA 12:14 Iomraidhean Croise

2 MARARATU 23:21

Wua'udde i Ratu Yosia namarenta tumanange tadea'u mallaghu ramean Paskah ere lai uawoṛṛeta sulal᷊ummu wuke Pa'aire Ringannu Mawu. Ringannu aroddi i mangitou mangngaddata Ruatan mangitou.

DARALO 111:4

Mawu udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

DARALO 135:13

Oh Mawu, I'o sidutu iapappasingkatta, wuṛṛu aran-Nu nannaungannu anambon papapulunna,

SASABANGNGA 12:17

Su allo udde walahannu sarangkanambone Ta'u iapidda sumabbangnga wuassu Mesir. Ana waugu udde sarangkal᷊o'engnge, suapan tonna, allo udde ṛinone nanaunganni yamiu maola'a sambau allo wahewa.

SASABANGNGA 12:24

I yamiu wuṛṛu manga anangngu ṛinone tumuṛṛutta parenta udde saran mal᷊annu-l᷊annu.

SASABANGNGA 12:43

Mawu nabbisara si Musa wuṛṛu si Harun, “Eteindi atorannu ramean Paskah. Taumata raho tawe wotongnge uminassa ṛemessu domba apan nionggola sasamba su allon Paskah.

SASABANGNGA 12:6

I yamiu sarun manahipunna maddatingngu allo appul᷊one appata. Su allo udde, wawallone, Israel sarangkanambone ṛinone mamototta ana'u domba udde.

SASABANGNGA 23:15

Sulal᷊ummu wul᷊anna Abib, su allo apan buatte tinantunna, i yamiu ṛinone maddamean Andeangngu Roti Tawe Ragine ringannu tul᷊adane apan Ta'u niparenta si yamiu, ana waugu sulal᷊ummu wul᷊anna udde i yamiu nanantangngu Mesir. Imbaṛṛangnga umanna roti apan niola'a nappaatu ragi sulal᷊ummu ramea pitu allo udde. Suapan i yamiu rumanta mattaṛṛamawu si Ya'u, i yamiu ṛinone mangapiddu aonggolla.

SASABANGNGA 27:21

I Harun wuṛṛu manga anangnge ṛinone mallu'adda sol᷊o udde wuassu wawallo maddatingngu marua'allo su tampa i Ya'u rumanta, su liudde mal᷊aṛṛenessa apan ua'ele su saruannu Wantallu Pa'aire. Parenta udde ṛinone olaannu taumatan Israel wuṛṛu papapulunne saran mal᷊annu-l᷊annu.”

SASABANGNGA 5:1

Wua'udde i Musa wuṛṛu i Harun inaite sinumaruanna ratu Mesir wuṛṛu nabbisara, “Arendi parenta Mawu, Ruatan Israel, ‘Walaawe walahang-Ku sumabangnga tadea'u i mangitou wotongnge mattaṛṛamawu si Ya'u su wadda'a lol᷊okka.’ ”

YEHEZKIEL 46:14

Waine wua'udde lai, suapan marua allo ṛinone ionggolla lai darua kilograma gandumma wuṛṛu sanlitere lanan zaitun ilo'a su gandumma udde. Eteudde sasamba gandumma apan miallo-miallo ṛinone ionggolla su Mawu; atoranna indi iapappaamatta saran mal᷊annu-l᷊annu.

IMAMATTA 23:6

Tiṛṛabbine, allo apul᷊o l᷊imane, manattakke Ramean Doti tawe Ragine, wuṛṛu al᷊annune pitu allo i yamiu tawe wotongnge umanna roti apan niaola'a napaattu ragi.

ZAKARIA 6:14

Mahkota udde sahipunanna su Wal᷊e-U tadea'u ipannaungnga si Heldai, si Tobia, wuṛṛu si Yosia.

REENGANNA 10:8

Manga trompeta udde ṛinone tiupannu manga imam, manga ana'i Harun. Eteudde atoranna apan ṛinone tuṛṛutanni yamiu saran mal᷊annu-l᷊annu.

REENGANNA 15:15

Anambon tita wuṛṛu atoranna uddewe uasul᷊ungnga si yamiu wuṛṛu su taumata raho apan uatana'a suwallati yamiu, ana waugu i yamiu wuṛṛu i mangitou uddewe uasul᷊ungnga sulal᷊ummu aellegu Mawu. Wuṛṛu olangnge udde ipappaatta saran mal᷊annu-l᷊annu.

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 18:8

Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

MATIUS 26:13

Pangimante! su ahewallu runia, suapan tampa Watti'u Al᷊al᷊uassa wuassu Ruata iapasingkatta, inolaannu bawine indi sarun iwatti'a lai maola'a pananaunganna si tou.”

LUKAS 22:19

Wua'udde Mawu Yesus nanganute roti. Wuṛṛu napawe suete na'adiangkamanna, i Tou nattahiate roti udde ringannu lima-Ne, see nionggolla si mangitou, wuṛṛu nabbisara, “Ete indi wadang-Ku [apan tinantilla ana waugu i yamiu. Ola'e indi maola'a sambau pananaunganna si Ya'u.”

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 6:8

Wa'isa'e udde su ta'iakku wuṛṛu re'eta'a su pakkannu tadea'u sidutu nanaunganna.

YOSUA 4:7

ṛinone i yamiu mamasingkatta si mangitou ua'en Sal᷊ukku Yordan natta'ala su tempo Wantalu Pa'aire Mawu niapidda tinumumbe sal᷊ukka udde. Manga watu sarun sidutu mapaanaungngu walahannu Israel al᷊awo'a apan nariaddi isindi.”

1 SAMUEL 30:25

Ana see inolaanna udde niola'i Daud maola'a sambau atoranna, wuṛṛu mangke iapaamattu taumatan Israel naddatingngu orassa indi.