SASABANGNGA 12:12 - WUKE SUSI WATTI'U AL᷊AL᷊USASSA

¹² Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

SASABANGNGA 12:12 Iomraidhean Croise

1 TAWARIKH 14:12

Napawe tantaran Filistin tinumal᷊angke, i mangitou tawe napangapiddu manga paal᷊uanna sassubbanni mangitou. I Daud namarenta tadea'u manga paal᷊uanna udde tutunganna.

DARALO 135:8

Su Mesir i Tou namate anambon ana'a pahul᷊u wuassu taumata ara'e winatangnga.

DARALO 82:1

Daralon Asaf. Ruata uapiaṛṛa'u ammul᷊anna susi su surga, ana see i Tou lai nakkawessa;

DARALO 82:6

I yamiu mabbisara manungku i yamiu mawu i yamiu sarangkanambone al᷊aṛṛana'u Ruata Apan Atanggaṛṛanne.

DARALO 91:7

Salaiwe saṛṛiwu su atoune mate su sandiṛṛannu, wuṛṛu mappul᷊o ṛiwu su atoune su aikkatannu, arawe i'o sassane tawe mal᷊essa.

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

SASABANGNGA 12:23

Su tempo Mawu mamal᷊intaddu wanua indi mamate manga taumata Mesir, Mawu sarun ma'elega daṛṛa su sal᷊aba'u wuṛṛu su pua ngaran bal᷊enu; ne i Tou sarun sumabbi wuṛṛu tawe mamalan Mala'ekattu Papate sumutta su wal᷊enu wuṛṛu mamate si yamiu.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 21:6

ne mawune ṛinone mangapiddi tou watukku tampa patataṛṛamawuanna. Poiaroddi allangnga udde irolokka rumarisikka uasaṛṛadda su ngara ara'e su diṛṛin ngaran patataṛṛamawuanna, wuṛṛu mawune ṛinone mamebbetta tal᷊ingan allangnga udde. Ne i tou sarun mabbal᷊i allangnge su al᷊o'engngu pabbiaṛṛanne.

SASABANGNGA 22:28

Imbaṛṛangnga massalun Duata wuṛṛu imbaṛṛangnga mamontoga piaṛṛa'u walahannu.

SASABANGNGA 6:2

I Ya'u naipasilon batangang-Ku si Abraham, i Ishak wuṛṛu i Yakub naola'a Ruata Apan Lembontaṛṛino, arawe i Ya'u tawe namasingkatu watangang-Ku si mangitou ringannu arannu ‘Mawu.’

SASABANGNGA 9:6

Su allo tiṛṛabbi Mawu na'ola'a ere buatte nipasingkan-Ne. Anambon binatangngu walahannu Mesir nate, arawe wuassu winatangngu walahannu Israel taweddu nate.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YEREMIA 43:12

I Ya'u sarun mande'omma putungnga su manga kuillu manga mongannu Mesir, wuṛṛu ratun Babel sarun manoṛṛobba manga paal᷊uanna sassubbanna su manga kuil ara'e iapidda watukku wanuane. Naal᷊ihidda sangkatou mallal᷊u'adda mammaresi laungnge wuassu utu, aroddi lai ratun Babel sarun manapu mamaresi Mesir wua'udde inaite apia ringannu taweddu maataṛṛangnga si tou.

YEREMIA 43:13

Manga diṛṛin paal᷊uanna su Heliopolis su Mesir, sarun ṛimunsaanna, wuṛṛu manga kuillu manga mongannu Mesir sarun soṛṛowanna insueanna.”

YEREMIA 46:25

Mawu Apan Lembontaṛṛino, Ruatan Israel, nabbisara, “I Ya'u sarun makkuumannu Amon, monganna wuassu Tebe, ahewallu Mesir ringannu manga monganne wuṛṛu manga ratune. Ratu Mesir wuṛṛu anambon taumata apan uatantaṛṛimanna tou

YEHEZKIEL 12:16

Sambageanganna addio'a wuassi mangitou sarun Ta'u iapasal᷊amatta wuassu papangalo, wuassu ṛutumma, wuṛṛu ṛiwutta, tadea'u su pattangngannu manga walahanna raho udde i mangitou sarun maatutukka manungku i mangitou buatte na'ola'a al᷊al᷊eo wahewa. Ne i mangitou sarun manga'u manungku ete i Ya'u Mawu.”

AMOS 5:17

Su anambon waillu anggore, taumata sarun lumuai ana waugu i Ya'u nirumanta wuṛṛu makkuumanni yamiu. I Ya'u, Mawu, buatte nabbisara.”

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

REENGANNA 33:4

apan tantal᷊anna mallabbingngu manga ana'i mangitou pahul᷊u apan buatte nipaten Mawu. Ringannu inolaanna udde, Mawu napal᷊iatta'a manungku i Tou mattohasanna wuassu manga mongannu Mesir.

1 SAMUEL 5:3

Sutempo tumana'u Asdod tiṛṛabbine marua allo rumanta sutampa patataṛṛamawuanna udde, i mangitou naasilo manungku paal᷊uanni Dagon nanawo uarammangnga su leta'a, su saruannu Wantallu Pa'airen Mawu! I mangitou namengketta pa'al᷊uanna udde wuṛṛu nisul᷊e apia su tampane.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.