SASABANGNGA 12:11 - WUKE SUSI WATTI'U AL᷊AL᷊USASSA

¹¹ Su tempo umanna i yamiu uapeddete peddetu amatanna, ringannu silope su ledda wuṛṛu ta'inna su lima. I yamiu rinone paasaṛṛawutta umanna. Eteudde ramean Paskah ipangadatta si Ya'u, Mawu.

SASABANGNGA 12:11 Iomraidhean Croise

2 MARARATU 23:21

Wua'udde i Ratu Yosia namarenta tumanange tadea'u mallaghu ramean Paskah ere lai uawoṛṛeta sulal᷊ummu wuke Pa'aire Ringannu Mawu. Ringannu aroddi i mangitou mangngaddata Ruatan mangitou.

SASABANGNGA 12:13

Daṛṛa su ngaran bal᷊enu sarun maola'a tiala wuassu manga wal᷊en atatanaannu. Amungkangngu i Ya'u maasilo daṛṛa udde, i yamiu Ta'u sabbianna wuṛṛu tawe pateanna su tempo i Ya'u makkuumannu Mesir.

SASABANGNGA 12:21

I Musa namago anambon piaṛṛa'u Israel wuṛṛu nabbisara si mangitou, “Roote wuṛṛu panganute hausannu amonannu sambau ana'u domba ipallaghun ramean Paskah.

SASABANGNGA 12:27

I yamiu ṛinone sumimbakka, ‘Indi sasamban Paskah ipangaddata Mawu, ana waugu wal᷊en manga taumatan Israel sinabbian-Ne, su tempo i Tou namate manga ana'a esakka pahul᷊u su Mesir, wuṛṛu i ite niwala-Ne wiakka!’ ” Ne niumal᷊intuddate manga taumatan Israel massubba.

SASABANGNGA 12:43

Mawu nabbisara si Musa wuṛṛu si Harun, “Eteindi atorannu ramean Paskah. Taumata raho tawe wotongnge uminassa ṛemessu domba apan nionggola sasamba su allon Paskah.

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YEHEZKIEL 45:21

Su allo mapul᷊o appatta wul᷊anna paarorone, i yamiu ṛinone mallaghun Andeangngu Paskah. Pitu allo al᷊annune anambon taumata ṛinone umanna roti apan tawe ragine.

IMAMATTA 23:5

Allo Wahewan Paskah apan iramea ipangaddatta Mawu, manattakka wuassu tempo matannallo umattuppa su allo appul᷊one appata wul᷊anna paarorone.

REENGANNA 28:16

Su allo appul᷊one appata wul᷊anna paarorone, eteudde allon Paskah Mawu.

REENGANNA 9:1

Su wul᷊anna paaororone sulal᷊ummu tonna aruane napawe walahannu Israel nanantangngu Mesir, Mawu nabbisara si Musa su wadda'u Sinai.

LUKAS 12:35

“Paatehamma sumaruanna al᷊awo'u hatto. I yamiu ṛinone sidutu uasaddia ualluṛṛen laubba wuṛṛu sol᷊onu sidutu rare'omanna,

LUKAS 15:22

Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

LUKAS 2:41

Suapan tonna hagurangngu Mawu Yesus inai watukku Yerusalem maddamean Allo Wahewam Paskah.

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

1 KORINTUS 5:7

Rammea'a asuene ragi tabbe udde, eteudde ragin paddarosa, tadea'u i yamiu maola'a ere ompengu taponna apan wakku, waresi wuassu ragin paddarosa apan tabbe, wuṛṛu i ya'u masingkata manungku i yamiu atonna aroddi. Ana waugu, ramean Paskahn kite nasaddiate, ana waugu Kristus apan naola'a ere domban Paskahn kite suete niola'a sasamba.

EFESUS 6:15

Ṛinone i yamiu sidutu mabbatti'u Watti'u Al᷊al᷊uassa apan mangngapiddu paddarame maola'a aampakku leddanu.

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.

YOSUA 5:10

Tantal᷊anna maddasanna su Gilgal su leta'a ratakke maranin Yerikho, ṛuangannu Israel nallaghun Paskah su allo wawallo eteudde allo appul᷊one appata wul᷊anna udde.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.