SASABANGNGA 10:9 - WUKE SUSI WATTI'U AL᷊AL᷊USASSA

⁹ Sasimbakki Musa, “Yami sarangkanambone, mawae ete dario'a aroddi lai timmade. Yami sarun mangapiddu ana'i yami sarangkanambone, anambon sapi, domba wuṛṛu ambingngi yami, ana waugu yami sarun mallaghun sambau ramea wahewalla ipangaddata Mawu.”

SASABANGNGA 10:9 Iomraidhean Croise

PANDARIADDI 50:8

Amonanne, tuṛṛa-tuṛṛangnge, wuṛṛu ana'u tuṛṛangnge waine inai lai. Tumba'u ana'a maradio'a wuṛṛu winatangngi mangitou tinantangnga su leta'u Gosyen.

SASABANGNGA 10:10

Unnu ratu, “Tawe mariaddi ya'u mamalan kamiu mangapiddu manga taumata wawine wuṛṛu manga anangngu! Apan raddoronganni yamiu udde nassul᷊ungngu ringannu mangngantimma i ya'u madorongnga Mawu mangal᷊amatta si yamiu. Nasemakke si ya'u manungku i yamiu pia pandumma lal᷊eo.

SASABANGNGA 10:26

Anambon binatangngi yami sarun iapiddi yami; saran sambau tawe itantangngi yami. Wuassu winatangnga udde yami mamile suapane apan sarun olaanna sasamba su Ruatang kami. Wakkute poiaroddi yami sarun maasingkatta winatangnga suapane apan sarun ionggoli yami.”

SASABANGNGA 12:32

Apira'e lai anambon sapi, domba, wuṛṛu ambingngi yamiu, wuṛṛu roote! I ya'u lai doronge al᷊amatta!”

SASABANGNGA 12:37

Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

SASABANGNGA 12:38

I mangitou uaapiddu manambo sapi, domba wuṛṛu ambinga. Taumata waine lai manambo tinumantalongnga.

SASABANGNGA 13:6

Al᷊annune pitu allo ṛinone i yamiu umanna roti apan tawe ragine, wuṛṛu su allo appitune olaanna lal᷊aghun damea ipangaddata Mawu.

SASABANGNGA 3:18

Al᷊aṛṛana-U sarun maddaringikka manga wisaranu. Wua'udde i'o suadio'a ringannu manga piaṛṛa'u Israel ṛinone inai sumaruanna ratu Mesir wuṛṛu mabbal᷊o si tou; ‘Mawu, Ruata taumatan Ibrani buatte nirumanta naipasilon batangan-Ne si yami. Orassa indi wala'awe yami inai araune tallu allo amatanna watukku wadda'a lol᷊okka mangonggolu sasamba su Mawu, Ruatan kami.’ ”

SASABANGNGA 5:1

Wua'udde i Musa wuṛṛu i Harun inaite sinumaruanna ratu Mesir wuṛṛu nabbisara, “Arendi parenta Mawu, Ruatan Israel, ‘Walaawe walahang-Ku sumabangnga tadea'u i mangitou wotongnge mattaṛṛamawu si Ya'u su wadda'a lol᷊okka.’ ”

SASABANGNGA 5:3

I Musa wuṛṛu i Harun nabbisara, “Ruatan taumatan Ibrani buatte naipasilon batangan-Ne si yami. Wala'awe yami inai su wadda'a araune tallu allo amatanna tadea'u mangonggolu sasamba su Mawu, Ruatang kami. Amungkangngu yami tawe mallaghun udde, yami sarun patean-Ne ringannu radda'a ara'e pangalo.”

AMSAL 3:9

Pangaddate Mawu ringannu mangonggolla si Tou sambau saranapa apan apianne wuassu al᷊awo'u darotongnga wuṛṛu hessin sasuannu,

MANNANASE 12:1

Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

REENGANNA 29:12

Su allo mapul᷊o l᷊ima wul᷊anna appitune i yamiu ṛinone ma'ola'a ammulu patataṛṛamawu, wuṛṛu tawe wotongnge mammanara mawakkata. Al᷊annune pitu allo i yamiu ṛinone ma'ola'a ramea ipangaddata Mawu.

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”