RUT 4:13 - WUKE SUSI WATTI'U AL᷊AL᷊USASSA

¹³ Ne i Boas nappuluten Rut maola'a awingnge. Mawu nangal᷊amatta si Rut na'oman sara i tou piate illoṛṛo ana see nanungkangken ana'a esakka.

RUT 4:13 Iomraidhean Croise

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

PANDARIADDI 25:21

Ana waugu i Ribka tawe naasomba ana'a, i Ishak niumal᷊iomannu awingnge su Mawu. Wuṛṛu Mawu naddaringikka aal᷊iomanni Ishak, na'oman sara i Ribka piate illoṛṛo.

PANDARIADDI 29:31

Napawe Mawu naasilo manungku i Lea tawe aroddi arangnguanna ere i Rahel, Mawu namalan i Lea manungkangu ana'a, arawe i Rahel sidutu tawe maasomba ana'a.

PANDARIADDI 30:2

I Yakub nasa'u si Rahel wuṛṛu nabbisara, “I ya'u indi wal᷊ine Ruata. Ete i Tou apan na'ola'a si'o tawe maasomba ana'a.”

PANDARIADDI 33:5

Napawe i Esau naasilo anambon bawine wuṛṛu manga ana'a udde, i tou naiwal᷊o, “ Isai i mangitou apan suadio'a ringannu indi?” “I mangitou manga ana'u,” sasimbakki Yakub, “Ruata nangonggolu manga ana'a udde si ya'u.”

DARALO 113:9

I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

RUT 3:11

Ana waugu udde arie passinggawanga, Rut. Sarangkanambone apan nirorongannu udde sarun ta'u olaanna; ana waugu anambon taumata su soa indi masingkate manungku i'o sangkatou wawine apan mapia pallal᷊agune.

RUT 4:12

Antimanna al᷊aṛṛana'a apan sarun ionggolu Mawu si'o wuassu wawine indi sarun maola'a amonannu ere i Peres, ana'i Yehuda wuṛṛu i Tamar.”

1 SAMUEL 1:27

Ete ana'a indi apan ta'u niroronganna su Mawu. Aal᷊iomangku buatte niraringiṛṛan-Ne,

1 SAMUEL 2:5

Taumata apan dorone mal᷊aidda ana waugu manambo anna, orassa indi nabbal᷊ite allangnga sassewanna tumba'u ana waugu see maasomba anna. Taumata apan dorone mal᷊unussa, orassa indi nal᷊aidde, anna manambote. Awingnge tinna, orassa indi lullala'a, ana'a pitu buatte niasungkange! Arawe inangnga apan manambo anangnge, nitantangnga, niwalane massusa.