RUT 2:2 - WUKE SUSI WATTI'U AL᷊AL᷊USASSA

² Su allo sambau i Rut nabbisara si Naomi, “Mama, i ya'u madorongnga inai su wailla mamurutta ganduma apan asinungka manawo wuassu liman mangangitingnga. I ya'u mammendamma asinungka pia taumata apan mamala'u ma'ola'a manara udde.” “Ore, ana'a!” sasimbakki Naomi, “roote!”

RUT 2:2 Iomraidhean Croise

PANDARIADDI 32:6

Su tempo manga daroloṛṛanna nabelengke apia ringanni Yakub, i mangitou nabbisara, “I yami buatte wua dinganni Esau, iaangngi Tuangnga wuṛṛu orassa indi i tou sulal᷊ummu amatanna inawarea maisasomban Tuangnga. I tou rumanta ringannu uaapiddu appatu ṛasutta su atoune.”

IMAMATTA 19:10

Imbaṛṛangnga mabelengnga su waillu anggore ana inai mangammulu manga wuan anggore apan natantangnga napawe i yamiu wua nani'o wuane pa'arorone. Wuṛṛu lai manga wuane apan nanawote arie pappurutta. Wala'e udde wuattu taumata asiangnga wuṛṛu taumata raho. Ete i Ya'u Ruatanu.

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.

IMAMATTA 19:9

Amungkangngu i yamiu mangitingnga, imbaṛṛangnga mamototta gandumma apan uatuwo su winggin bawail᷊annu, wuṛṛu arie pabbelengnga mangammullu gandumma apan nallambe su pangitinganna.

IMAMATTA 23:22

Amungkangngu i yamiu mangitingnga, arie mamototta gandumma apan uatuwo su lul᷊unnu wawail᷊annu wuṛṛu imbaṛṛangnga mabelengnga mangammulu gandumma lambene wua pinangitinganna. Wala'e udde su taumata asiangnga wuṛṛu taumata raho. Mawu eteudde Ruatanu.

RUT 2:3

Ne i Rut inaite watukku wailla wuṛṛu namurutta ganduma utantalongnga manga. Inauranna i tou inaite watukku wailli Boas.

RUT 2:7

I tou nadorongnga si ya'u tadea'u iwala tumantalongnga wuassu liuddu mangangitingnga tadea'u mamurutta ganduma apan mannawo. Ro'en marua'allo i tou sidutu mammanara wuṛṛu orassa indi wakkute nangillol᷊o talangkadio'a su sambengessa.”

1 SAMUEL 1:18

I Hana sinumimbakka, “Antimanna ya'u maasomba al᷊amatta wuassi Papa.” Wua'udde i tou napul᷊ete, ana see niumanna; wuṛṛu tate lai massusa.