RUT 1:15 - WUKE SUSI WATTI'U AL᷊AL᷊USASSA

¹⁵ I Naomi nabbisarate si tou, “Rut, pa'ellege! Ipaggu napul᷊ete ringannu walahanne wuṛṛu ringannu manga monganne. I'o lai roote, ana'a, tantalongke si tou mapul᷊e!”

RUT 1:15 Iomraidhean Croise

2 MARARATU 2:2

wuṛṛu su tangngan dal᷊anna i Elia nabbisara si Elisa, “Atana'e isindi. Atana'e isindi. I ya'u nirolokku Mawu inai watukku Betel.” Arawe i Elisa sinumimbakka, “Ringannu arannu Mawu apan biakka wuṛṛu ringannu niawan Papa, i ya'u tawe manantangngi Papa.” Nariaddi itarua inaite su sambau nanassukku amatanna naddatingngu Betel.

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

DARALO 36:3

I tou uapendamma watanganne atohasanne, na'oman sara tawe maatutukka pasasal᷊ane, wuṛṛu tawe mabbinsine.

ZEFANYA 1:6

I Ya'u sarun mamate si mangitou apan tawe nirumanta ringang-Ku ara'e maddorongnga aehe-U wuṛṛu apan buatte nanantang-Ku wuṛṛu maddirite lai tumantalongnga si Ya'u.”

REENGANNA 10:30

Sasimbakki Hobab, “Adiangkamanna, arawe i ya'u mappulu mabelengnga su wanua'u.”

LUKAS 24:28

Tantal᷊anna udde i mangitou maddanin soa patudanni mangitou. Mawu Yesus na'ola'a paṛṛimaunnapa ere manassukku amatan-Ne,

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

YOSUA 24:19

Ana see i Yosua nabbisara, “Arawe i yamiu asinungka tawe maataṛangnga massubba Mawu, ana waugu ete i Tou Mawu Ruata apan na'ukkassa, Apan Tinggassa. I Tou madiri pia do'appa. Amungkangngu i yamiu manantangngi Tou wuṛṛu mattaṛṛamawu manga Mawu waine, i Tou tawe mangampungnga rosanu. Arawe mawal᷊elongnga i Tou sarun lumawanna wuṛṛu maṛṛuumanni yamiu, salaiwe paarorone i Tou marangngu si yamiu.”

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.

RUT 1:14

I Rut wuṛṛu i Orpa nilumuai apia ma'ikka-ikkata wua'udde i Orpa nabbal᷊ote lapiddu nangari'a la'iananne ana see i tou napul᷊ete. Arawe i Rut maddiri maṛṛae wuassu la'iananne udde.

RUT 1:16

Arawe i Rut sinumimbakka, “Mama, ariete i Mama mandolo'u iapa'apul᷊e wuṛṛu manatangngi Mama! I ya'u maapulu tumantalongnga si Mama. Watukku apa i Mama inai, isudde lai ya'u inai. Suapan tampa i Mama matana'a, isudde lai ya'u maapulu matana'a. Walahanni Mama, udde lai walahangku. Ruata apan sassubbanni Mama, udde lai sarun subbangku.