ROMA 8:7 - WUKE SUSI WATTI'U AL᷊AL᷊USASSA

⁷ Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

ROMA 8:7 Iomraidhean Croise

2 TAWARIKH 19:2

sangkatou nabi aranne i Yehu ana'i Hanani nirumanta sinumaruanna ratu. Nabbi udde nabbisara ratu, “Apa naṛṛinote i Tuangnga nassumbala Taumata lal᷊eo, wuṛṛu mannamba'a taumata apan maddantinnu Mawu? Inolaanni Tuangnga udde naasa'u naungngu Mawu si Tuangnga.

AYUB 15:13

i'o nasa'u su Ruata wuṛṛu lullawangnga.

DARALO 53:1

Su piaṛṛa'u mangangantari. Tumuṛṛuttu aantari: Mahalat. Aantari al᷊aṛa'i Daud.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YEHEZKIEL 14:5

Anambon paal᷊uanna udde buatte napaaraun uma-Ku wua dingang-Ku, arawe antimanna ringannu sasimba-Ku udde uma-U sarun mabbelengnga ringang-Ku.’

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 5:19

Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

ROMA 5:10

Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

ROMA 7:22

Naungku maapulun titan Duata,

ROMA 8:4

Ruata na'ola'a udde tadea'u apulu-Ne apan niapaal᷊iatta'a sulal᷊ummu titan agama Yahudi udde wotongnge olaanna sulal᷊ummu wadangngi ite apan mabbiakka tuttuṛṛutta Ghaṛṛahon Duata wuṛṛu wal᷊ine tuttuṛṛutta pallal᷊agun taumata.

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

1 KORINTUS 9:21

Su saruannu taumata wal᷊ine Yahudi, ya'u mattingkaola'a naal᷊ihida taumata wal᷊ine Yahudi, apan mabbiakka su liuddu titan Musa. I ya'u na'ola'a udde tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Arawe udde tawe'e manungku i ya'u tawe tumuṛṛutta manga parentan Duata; arawe i ya'u sidutu iappiaṛṛa'u manga parenta wuassi Kristus.

KOLOSE 1:21

Dorone i yamiu maraun Duata. I yamiu masseetti Tou ana waugu pallal᷊agunu wuṛṛu ṛingiṛṛannu lal᷊eo.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!