ROMA 8:14 - WUKE SUSI WATTI'U AL᷊AL᷊USASSA

¹⁴ Manga taumata apan aehetannu Ghaṛṛahon Duata, i mangitou udde al᷊aṛṛana'u Duata.

ROMA 8:14 Iomraidhean Croise

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

MATIUS 5:9

Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

ROMA 8:5

Manga taumata apan mabbiakka tuttuṛṛutta pallal᷊agun taumata, sidutu maṛṛingidda apa apan ipaapulun pallal᷊agun taumata. Arawe manga taumata apan mabbiakka tuttuṛṛutta Ghaṛṛahon Duata sidutu maṛṛingiddu apa apan ipaapulun Duata.

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

ROMA 9:26

Wuṛṛu su tampa udde iapaasingkata su taumata ‘I yamiu wal᷊ine al᷊aṛṛana-U,’ isudde manga taumata sarun isaggo al᷊aṛṛana'u Ruata apan wiakka.”

ROMA 9:8

Udde atappasanne manungku papapulunni Abraham apan maola'a al᷊aṛṛana'u Ruata, tumba'u papapulunne apan niasungkangnga ana waugu paaire Ruata; wuṛṛu wal᷊ine anambon papapulunne.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

GALATIA 4:5

Ringannu aroddi i Tou namallosu manga taumata apan mabbiakka su al᷊ungngu parentan titan agama; tadea'u i ite lai wotongnge maola'a al᷊aṛṛana'u Ruata.

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

GALATIA 5:18

Arawe amungkangu Ghaṛṛahon Duata mangngehetta si yamiu, ne i yamiu tawe paparentannu titan agama.

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.