ROMA 8:11 - WUKE SUSI WATTI'U AL᷊AL᷊USASSA

¹¹ Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

ROMA 8:11 Iomraidhean Croise

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YEHEZKIEL 37:14

I Ya'u sarun maniuppu sasangngo sulal᷊ummu waddangngi mangitou tadea'u ipamiakka si mangitou, ana see i mangitou Ta'u iwala matanata'a su wanuane sassane. Ne i mangitou masingkatte manungku ete i Ya'u Mawu. I Ya'u Mawu buatte nabbisara wuṛṛu atonna sarun ma'ola'a.”

YOHANES 14:17

I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

ROMA 16:10

Tabea'u si Apeles. Tatuṛṛunne si Kristus niatialante. Tabea lai su lal᷊oṛṛon bal᷊e Aristobulus,

ROMA 16:3

Wal᷊oa'a tabea'u si Priskila wuṛṛu si Akwila, manga hawe'u apan suadio'a mammanara manaran Kristus Yesus.

ROMA 16:7

Wal᷊oa'a lai tabea'u si Andronikus wuṛṛu si Yunias. Itarua wuṛṛu i ya'u papapulunnu sangkatou wuṛṛu buatte niṛṛuumanna su sampunna. Tantal᷊anna i ya'u taambe nangimanna si Kristus, i mangitou doronete nangimanna. I mangitou tinumelengnga su wallattu manga rasul.

ROMA 16:9

Wal᷊oa'a tabea'u si Urbanus, hawen kite apan mammanara su sampunna ringanni ite ana waugu Kristus. Wuṛṛu tabea'u lai si Stakhis apan arangnguangku.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 8:12

Ana waugu udde, manga tuṛṛangnga, i ite pia manara mandiaga; arawe wal᷊ine manara su paa'apulun pallal᷊agun taumata; i ite tawe wotongnge mabbiakka tumuṛṛuttu apulune.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

1 KORINTUS 15:16

Ana waugu amungkangngu taumata nate tawe iapaawiakka apia, ne Kristus lai tawe niapaawiakka wuassu papate.

1 KORINTUS 6:14

Ruata suete napaawiakku Mawu Yesus wuassu papate, aroddi lai Ruata sarun mapaawiakki ite ringannu taṛṛino-Ne.

2 KORINTUS 4:11

Su al᷊o'engngu allo i yami mabbiakka, i yami sidutu ia'umpangngu papate ana waugu Kristus, tadea'u ringannu aroddi wiakki Kristus lai wotongnge lumiatta'a su wadangngi yami apan marosa indi.

2 KORINTUS 4:14

I yami pia antimma manungku Ruata apan buatte napaawiakku Mawu Yesus, sarun mapaawiakki yami lai ringannu Mawu Yesus, wuṛṛu mangapiddi yamiu wuṛṛu i yami su saruan-Ne.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

GALATIA 6:8

Amungkangu taumata massuanna tumuṛṛuttu pallal᷊agun taumata, i tou sarun mangitingnga apapate wuassu pallal᷊agune udde. Arawe amungkangu i tou massuanna tumuṛṛuttu piaṛṛa'u Ghaṛṛahon Duata, i tou sarun mangitingnga wiakka tutune wuṛṛu mal᷊annu-l᷊annu wuassu Ghaṛṛahon Duata.

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 11:11

Napawe tallute allo mattangnga, nirumantate sasangngo ipabbiakka wuassu Ruata wuṛṛu sinumutta apia sulal᷊ummu nabi darua udde. Ne i mangitou nabbuatte dirumarisikka, na'oman sara taumata apan naasilo si mangitou nata'utta atonna.