ROMA 7:7 - WUKE SUSI WATTI'U AL᷊AL᷊USASSA

⁷ Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

ROMA 7:7 Iomraidhean Croise

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

DARALO 119:96

Aellehangku manungku apan nasuungnga udde lai pia pattaal᷊anne, tumba'u ete parenta-Nu apan nasuungnga.

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

MATIUS 5:28

Arawe tempo indi Ya'u mabbal᷊o si yamiu: Isai-sai ma'ellega sangkatou wawine see ninumemman tou, taumata udde sueten sinumandaga ringannu wawine udde sulal᷊ummu naungnge.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

LUKAS 20:16

I tou sarun dumanta wuṛṛu mamate manga mammamanara udde, see manantillu wailla udde su mammamanara waine.” Naaringikka aroddi, nabbisarate manga taumata su Mawu Yesus, “Atonna-tonna tawe!”

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

ROMA 13:9

Ana waugu titan agama Yahudi eteudde: Imbaṛṛangnga sumandaga, imbaṛṛangnga mamate, imbaṛṛangnga manna'o, imbaṛṛangnga numemman sarannapan taumata waine; sarangkanambone udde niammulle ringannu tita waine, suete nisari tumbau naola'a tita sambau eteudde, “Pandangngu sansul᷊ungngu taumata ere lai i'o mandangngu ririnu sassane.”

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

ROMA 3:5

Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

ROMA 4:1

Amungkangngu aroddi, apa apan wotongnge iwisara su ola'i Abraham iupungngu al᷊amonan walahanni ite? Ereapa watti'u pabbiaṛṛanne?

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

ROMA 7:11

Ana waugu wuassu lal᷊ummu titan agama udde, rosa naasomba tempone namahia wuṛṛu namate si ya'u.

ROMA 7:13

Ei, apa indi atappasanne manungku apapia udde mandantan papate si ya'u? Asinungka tawe! Tumba'u rosa apan mandantan papate udde. Ringannu mappaattu apapia, rosa mandantan papate si ya'u, tadea'u pallal᷊agun rosa aasiloanna ringannu masemakka. Wuassu lal᷊ummu manga parentan Duata, niatialanna manungku lal᷊eo atonna rosa udde.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

ROMA 7:8

Sulal᷊ummu titan agama, rosa pia tempone mapaal᷊aputu al᷊awo'u apulu apan wal᷊iu sulal᷊ummu naungku, ana waugu amungkangngu tawe titan agama, ne rosa lai mate.

1 KORINTUS 15:56

Taṛṛinon papate eteudde rosa, wuṛṛu rosa mappaamattu apulune sulal᷊ummu titan agama.

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

TAHIUL᷊E 5:21

Imbaṛṛangnga numemma pussa'an taumata waine: wal᷊ene, letangnge, awingnge, manga allangnge, manga winatangnga papadul᷊iananna, keledaine ara'e al᷊awo'u saranapa apan tatahuananne.’

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

1 TESALONIKA 4:5

Arie mabbiakka tuttuṛṛuta apulun dal᷊ummu naungngu su saruannu awingngu, ere niola'u manga taumata apan tawe maaillal᷊a Ruata.

IBRANI 7:19

Titan agama Yahudi tawe maaola'a sambau inolaanna apan masuungnga. Ana waugu udde i ite orassa indi nionggol᷊annu pangangantima lembon apianne; ringannu aroddi i ite wotongnge mangundanin Ruata.

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”