ROMA 7:23 - WUKE SUSI WATTI'U AL᷊AL᷊USASSA

²³ arawe i ya'u naatutukka manungku sulal᷊ummu riri'u pia lai tita waine apan uaagassa parenta – eteudde tita apan uapapaṛṛalan tita apan buatte nia'u naungku. Ana waugu udde i ya'u mangke paparentannu titan rosa apan uaparenta sulal᷊ummu riri'u.

ROMA 7:23 Iomraidhean Croise

DARALO 142:7

Daringiṛṛewe sasal᷊ande'u, ana waugu i ya'u tumaniten nasansara. Sal᷊amatewe i ya'u wuassu manga see'u, ana waugu i mangitou tumaniten matohassa si ya'u.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

ROMA 7:21

Nariaddi, ya'u nakkawessa manungku tita indi ṛinone pangimananni ite: eteudde manungku amungkangngu i ya'u maddiri ma'ola'a apapia, ne tumba'u al᷊al᷊eo apan lumatto su riri'u.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

GALATIA 5:17

Ana waugu apulun taumata uatataaen apulun Ghaṛṛahon Ruata, wuṛṛu apulun Ghaṛṛahon Ruata uatataaen apulun taumata. Itarua mangke tawe massomba, na'oman sara i yamiu tawe maaola'a apa apan ipaapulun kamiu.

IBRANI 12:4

Ana waugu sulal᷊ummu manaranu lullawangnga rosa, i yamiu taambe saran paassa mammanara na'oman sara napaaturon ṛaṛṛa.

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

YAKOBUS 4:1

Wuassuapa darantane al᷊awo'u pabbawawul᷊o wuṛṛu pattatiakka su wallatti yamiu? Wal᷊inewe udde nirumanta wuassu manga apulunu apan siddutu uawawul᷊o sulal᷊ummu ririnu ana see maasomba al᷊al᷊uassu runia!

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.