ROMA 7:21 - WUKE SUSI WATTI'U AL᷊AL᷊USASSA

²¹ Nariaddi, ya'u nakkawessa manungku tita indi ṛinone pangimananni ite: eteudde manungku amungkangngu i ya'u maddiri ma'ola'a apapia, ne tumba'u al᷊al᷊eo apan lumatto su riri'u.

ROMA 7:21 Iomraidhean Croise

DARALO 119:133

Tohassawe lempangku erelai buatte nipa'ire-Nu, ariewe pabbala'a i ya'u tataṛṛinoannu al᷊al᷊eo.

DARALO 119:37

Riagaiwe i ya'u tadea'u tawe mangenggenna pawangnge, onggol᷊ewe i ya'u wiakka tumuṛuttu apulu-Nu.

DARALO 40:12

Mawu ariewe pangillol᷊o mandangngu si ya'u; lu'arewe i ya'u sidutu ringannu darangngu wuṛṛu papadul᷊i-Nu.

DARALO 65:3

Ana waugu ete I'o naddaringikka aal᷊iomanna; anambon taumata nirumanta ringan-Nu ana waugu narosate.

LUKAS 4:1

Mawu Yesus niintaṛṛoannu Ghaṛṛahon Ruata su tempo i Tou nanantangken Sal᷊ukku Yordan. Ghaṛṛahon Ruata nangehetta si Tou watukku wadda'a mal᷊alangnga.

YOHANES 8:34

“Mangke atonna wisara-U indi,” unnu Mawu Yesus si mangitou. “Taumata apan ma'ola'a rosa, eteudde allangngu rosa.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

ROMA 7:23

arawe i ya'u naatutukka manungku sulal᷊ummu riri'u pia lai tita waine apan uaagassa parenta – eteudde tita apan uapapaṛṛalan tita apan buatte nia'u naungku. Ana waugu udde i ya'u mangke paparentannu titan rosa apan uaparenta sulal᷊ummu riri'u.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

2 PETRUS 2:19

Manga huru awusu udde naddiandin apapalossa su manga taumata udde, arawe i mangitou sassane niallangngu manga inanaramanna apan mandal᷊eo taumata. Ana waugu amungkangu taumata tawe naaroappa wawono'a, ne i tou maola'a allangngu alal᷊eo udde.