ROMA 7:11 - WUKE SUSI WATTI'U AL᷊AL᷊USASSA

¹¹ Ana waugu wuassu lal᷊ummu titan agama udde, rosa naasomba tempone namahia wuṛṛu namate si ya'u.

ROMA 7:11 Iomraidhean Croise

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 49:16

I'o niawusuannu awawunganu. Taweddu mata'unnu ere su sunnanu. I'o uatana'a su manga wallattu watu, marau su puiddu wowone. Arawe, salaiwe i'o ma'ola'a wal᷊enu sutampa apan atanggaṛṛanne, ere atanggakku salakku manu'a asiaṛṛe, Mawu sarun mapal᷊intukku wua isudde. Tumba'u Mawu apan namasingkattu sarangkanambone udde.”

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

ROMA 7:13

Ei, apa indi atappasanne manungku apapia udde mandantan papate si ya'u? Asinungka tawe! Tumba'u rosa apan mandantan papate udde. Ringannu mappaattu apapia, rosa mandantan papate si ya'u, tadea'u pallal᷊agun rosa aasiloanna ringannu masemakka. Wuassu lal᷊ummu manga parentan Duata, niatialanna manungku lal᷊eo atonna rosa udde.

ROMA 7:8

Sulal᷊ummu titan agama, rosa pia tempone mapaal᷊aputu al᷊awo'u apulu apan wal᷊iu sulal᷊ummu naungku, ana waugu amungkangngu tawe titan agama, ne rosa lai mate.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.