ROMA 6:21 - WUKE SUSI WATTI'U AL᷊AL᷊USASSA

²¹ Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

ROMA 6:21 Iomraidhean Croise

1 MARARATU 2:26

Wua'udde nabbisarate i Ratu Salomo si Imam Abyatar, “Apul᷊ete su wanuanu su Anatot. I'o ṛinone iṛṛuumanna pateanna, arawe allo indi ya'u tawe mamate si'o, ana waugu sutempo i'o ta'e suaddi'o ringannu iamangku, i'o uapendamma lai al᷊awo'u asasusane. Wuṛṛu ete i'o lai apan uataṛṛapa Wantallu Pa'airen Mawu.”

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

AYUB 33:27

Ne su saruannu awadaalla i tou sarun mabbisara, ‘Iapa lal᷊eo sassunnangku mapia, ahewallawe eteapa rosa'u, arawe Ruata tawe makkuumangku.’

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

DARALO 73:17

Panginsueanne i ya'u sinumutta su Wal᷊en Mawu, ana see naasunnate panguddusannu taumata lal᷊eo.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AMSAL 14:12

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

AMSAL 16:25

Pia dal᷊anna apan aellehanna matul᷊idda, arawe panginsueanne lal᷊anna udde mattuddan papate.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 3:3

Ana waugu udde ua'e wuassu langitta nataṛṛanganna, wuṛṛu uranna sutempon batianna tawe mangansalla. I'o naal᷊ihidda sumasandagga, wuṛṛu tawe masili.

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

YEHEZKIEL 43:11

Wuṛṛu napawe i mangitou nasilite ana waugu manga inolaanni mangitou, tal᷊aa'e ṛiinnu Wal᷊e-U indi si mangitou: saṛṛene, manga ngara sasuttanna wuṛṛu sabbanganne, atokku wal᷊ene, wuṛṛu al᷊awo'u atoranna wuṛṛu manga titane. Woṛṛeta'e sarangkanambone udde si mangitou tadea'u i mangitou wotongnge maasilo wuṛṛu maatutukka ola'u mangatokku al᷊awo'a, see tumuṛṛutta anambon atoranne.

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

2 KORINTUS 7:11

Annama'a i yamiu panutukka, apa asombangani yamiu wuassu asasusa apan su lal᷊annu apulun Duata! Sombangnge eteudde i yamiu atonna-tonna maṛṛusahadda manilangnga apan mal᷊abukka! I yamiu naola'a maddantinu rosa, i yamiu mata'utta, i yamiu marangngu, i yamiu naola'a matohassa, i yamiu maapulu maṛṛuumannu taumata nassal᷊a! Sulal᷊ummu al᷊awo'u hatto indi, yamiu buatte napaal᷊iatta'a manungku i yamiu tawe nassal᷊a.

TAHIUL᷊E 17:6

Arawe i tou tumba'u wotongnge iṛṛuumanna amungkangu pia ruan katou mattiala ara'e nilumebbe; sangkatou taumata tawe wotongnge iṛṛuumanna pateanna amungkangngu tumba'u sangkatou matatialane.

TAHIUL᷊E 21:22

“Amungkangngu pia sangkatou buatte niṛṛuumanna nate ana waugu sambau al᷊al᷊eo, wuṛṛu winal᷊unanne niele su tiangnga,

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

IBRANI 6:8

Arawe amungkangu leta'a udde tatuwoannu manga akke wuṛṛu sasuanna ṛoaanna, ne leta'a udde tawe gunane wuṛṛu sarun bontohannu Ruata wuṛṛu panginsueanne tutunganna ma'oman sara masue.

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

YAKOBUS 5:20

naungete addoanne indi: Taumata apan na'ola'a taumata marosa mabelengnga wuassu lal᷊anne apan nassal᷊a, taumata udde nanal᷊amatta niawan taumata marosa udde wuassu papate wuṛṛu na'ola'a manambo rosa niampunganna. Tabea wuassi yami, Yakobus

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)