ROMA 6:13 - WUKE SUSI WATTI'U AL᷊AL᷊USASSA

¹³ Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

ROMA 6:13 Iomraidhean Croise

2 TAWARIKH 30:8

Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

DARALO 37:30

Taumata mapia mabbisara ringannu apande, i tou sidutu matul᷊idda sulal᷊ummu wisarane.

AMSAL 12:18

Walate wisarane wotongnge maal᷊essa naungnga ere niusu'u hal᷊ele; manga wisaran pande naal᷊ihidda undamma apan maapia.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 6:11

I yamiu ṛinone maṛṛangngon ririnu lai mate ana waugu rosa, arawe mabbiakka sulal᷊ummu paa'aukka apan matohassa ringannu Ruata sulal᷊ummu Yesus Kristus.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 7:23

arawe i ya'u naatutukka manungku sulal᷊ummu riri'u pia lai tita waine apan uaagassa parenta – eteudde tita apan uapapaṛṛalan tita apan buatte nia'u naungku. Ana waugu udde i ya'u mangke paparentannu titan rosa apan uaparenta sulal᷊ummu riri'u.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

1 KORINTUS 6:15

Manga tuṛṛangnga masingkata manungku wadangngu eteudde wageangngu wadangngi Kristus. Nariaddi wotongngewe i ya'u manganu sambau wageangngu wadangngi Kristus, see olaanna wageangngu wadangngu sangkatou wawine masandaga? Mangke tawe wotongnge!

1 KORINTUS 6:20

Ruata suete namalli si yamiu wuṛṛu nasueten baekke. Ana waugu udde, paata'e wadangngu aroddi olangnge ma'oman sara Ruata wantuhanna.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

2 KORINTUS 10:4

Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

2 KORINTUS 5:14

Ete darangngun Kristus apan uataṛṛino si yami; wuṛṛu i yami naatutukke manungku amungkangngu sangkatou buatte nate hunan taumata nambo, ne atappasanne manungku taumata sarangkanambone buatte nate.

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

2 KORINTUS 8:5

I mangitou nangonggolu mannamboanna wuassu apa apan aantimanni yami. I mangitou paarorone nanantillu watanganne su Mawu, wua'udde si yami lai, ere ipaapulun Duata.

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

TAHIUL᷊E 25:16

Mawu Ruatanu maddantinnu taumata apan apulune mallinga.”

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

2 TESALONIKA 2:12

Sombange, anambon taumata apan maapulun dosa wuṛṛu tawe mangngimanna apa apan su ṛinone udde sarun iṛṛuumanna.

2 TIMOTIUS 2:15

Ṛinone i'o mammanara atonna-tonna tadea'u i'o a'uannu Ruata mola'a sangkatou taumata apan wotongnge mangimbe si Tou. Pappandumpe tadea'u i'o tawe masili su ola'u manaranu, ewe'e mangngaṛṛa'u al᷊aṛṛa'a apan su ṛinone wuassu Ruata.

YAKOBUS 4:1

Wuassuapa darantane al᷊awo'u pabbawawul᷊o wuṛṛu pattatiakka su wallatti yamiu? Wal᷊inewe udde nirumanta wuassu manga apulunu apan siddutu uawawul᷊o sulal᷊ummu ririnu ana see maasomba al᷊al᷊uassu runia!

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.