ROMA 6:12 - WUKE SUSI WATTI'U AL᷊AL᷊USASSA

¹² Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 6:12 Iomraidhean Croise

PANDARIADDI 4:7

Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”

DARALO 119:133

Tohassawe lempangku erelai buatte nipa'ire-Nu, ariewe pabbala'a i ya'u tataṛṛinoannu al᷊al᷊eo.

DARALO 19:13

Taweddu maatutukka manungku watanganne nial᷊iwunete; Mawu, pallosaawe i ya'u wuassu pasasal᷊a apan awagananna.

IMAMATTA 13:40

Amungkangngu sangkatou esakka nabbal᷊i lol᷊okka su wageangngu liudde wuṛṛu saruannu puane, lol᷊okka udde tawe ma'arantinna si tou.

REENGANNA 33:55

Arawe amungkangngu tumana'u wanua udde tawe limbuaṛṛanni yamiu, manga taumata apan sidutu uatana'a isudde sarun mapaasusanu ere anne su matanu wuṛṛu ere larangnga su leddanu. Ne ete i mangitou udde mamangalo si yamiu.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

2 KORINTUS 4:11

Su al᷊o'engngu allo i yami mabbiakka, i yami sidutu ia'umpangngu papate ana waugu Kristus, tadea'u ringannu aroddi wiakki Kristus lai wotongnge lumiatta'a su wadangngi yami apan marosa indi.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

1 TESALONIKA 4:5

Arie mabbiakka tuttuṛṛuta apulun dal᷊ummu naungngu su saruannu awingngu, ere niola'u manga taumata apan tawe maaillal᷊a Ruata.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

1 PETRUS 1:14

Paatuṛṛute Ruata wuṛṛu arie mabbiakka tumuṛṛutta apulunu dorone, su tempo i yamiu taambe naaillal᷊a Ruata.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”

YUDAS 1:18

I mangitou namasingkatta paarorone si yamiu manungku maddanin allon panginsueanne sarun rumanta manga taumata apan sarun mangal᷊uandaga si yamiu, eteudde manga taumata apan mabbiakka tuttuṛṛutta apulun mangitou apan marosa.

MAL᷊AṚṚUUNGNGA 2:3

Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”