ROMA 5:4 - WUKE SUSI WATTI'U AL᷊AL᷊USASSA

⁴ wuṛṛu aṛṛarimadda ma'aola'a taumata tawe awono'anna; ete indi apan mapaal᷊iatta'u pangangantimma.

ROMA 5:4 Iomraidhean Croise

DARALO 71:14

Arawe i ya'u sidutu uaantimma Si'o, wuṛṛu aatambanna anambone maddalo Si'o.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

FILIPI 2:22

I yamiu sassane naasilote tialane manungku Timotius pia gunane. I tou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata. Iambua naal᷊ihida ana'a wuṛṛu iamangnga.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.