ROMA 5:10 - WUKE SUSI WATTI'U AL᷊AL᷊USASSA

¹⁰ Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

ROMA 5:10 Iomraidhean Croise

2 TAWARIKH 29:24

Wua'udde ambinga niṛṛata manga imam ana see daṛṛane nilal᷊inna su mezbah maola'a sasamba aampungnga rosan tumanangnge sarangkanambone. Olangnge udde niola'i mangitou ana waugu ratu buatte namarenta tadea'u mallaghu sasamba itattambunna wuṛṛu sasamba aampungnga rosan anambon tumana'u Israel.

YEHEZKIEL 45:20

Pa'ola'e aroddi lai su allo appitune wul᷊anna udde, suapan taumata apan buatte na'ola'a rosa ringannu tawe nipatattudda ara'e ana waugu wagga. Ringannu olangnge udde i yamiu sarun maariaga asasusin Bal᷊e-U.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

IMAMATTA 6:30

Winatangnga apan ipaatta su lal᷊aghun pangangampunga rosa apan nianu wuassu sambageanganna daṛṛane apan iapidda watukku Wabbo'a Susi, ṛinone itambunna ma'oman sara masue wuṛṛu tawe wotongnge annananna.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 5:26

Ere lai Iamangnga sassane punnu wiakka, i Tou na'ola'a Anang-Nge lai punnu wiakka.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 6:57

Iamangnga apan wiakka udde, nandolo-U wuṛṛu i Ya'u lai mabbiakka sulal᷊ummu Iamangnga. Aroddi lai taumata apan umanna ṛeme-U sarun mabbiakka wuassia-U.

ROMA 11:28

Ana waugu taumatan Yahudi maddiri manengkamma Watti'u Al᷊al᷊uassa wuassu Ruata, ne i mangitou naola'a seettu Ruata; wuṛṛu udde maola'a auntungannu manga tuṛṛangnga apan wal᷊ine Yahudi. Arawe ana waugu buatte nipilen, ne manga taumatan Yahudi sidutu raddanguannu Ruata ana waugu iupungngu al᷊amona mangitou.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

ROMA 5:6

Su tempo i ite sulal᷊ummu al᷊allome, Kristus nate ana waugu i ite, su tempo apan suete nitantunu Ruata; sumbal᷊i i ite manga taumata marau wuassu Ruata.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

EFESUS 2:16

Wuassu papate-Ne su alu arussa, Kristus napaaukku walahanna darua udde, wuṛṛu nandamen mangitou ringannu Ruata, na'oman sara nawul᷊ite pasaseetta udde.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

1 YOHANES 4:10

Ete indi aakkanna: Wal᷊ine i ite apan suete niumakkannu Ruata, arawe Ruata apan niumakkanni ite wuṛṛu nandolokku Anang-Nge tadea'u wuassi Tou i ite maasomba aampungu rosan kite.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.