ROMA 4:21 - WUKE SUSI WATTI'U AL᷊AL᷊USASSA

²¹ I tou mangngimanna atonna manungku Ruata wotongnge manipussa paaire-Ne.

ROMA 4:21 Iomraidhean Croise

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

DARALO 115:3

Ruatan kite su surga, i Tou mammanara apa apan ipaapulu-Ne.

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

YEREMIA 32:27

“Tumba'u i Ya'u Mawu, Ruatan anambon taumata. Taweddu masahadda si Ya'u.

MATIUS 19:26

Mawu Yesus nanutudda si mangitou see nabbisara, “Su taumata, olangnge udde tawe mariaddi! Arawe su Ruata sarangkanambone wotongnge mariaddi.”

LUKAS 1:1

Teofilus apan naungnge mapia, Manambo taumata suete nammanara atonna mammoṛṛetta ringannu uaatokka su ola'u manga arariaddianna apan suete nariaddi su pattangnganni ite.

LUKAS 1:37

Ana waugu su Ruata tawedu sambau apan tawe maola'a.”

LUKAS 1:45

Lal᷊umanna'a si'o, ana waugu mangngimanna manungku apa apan niwal᷊o Mawu si'o udde sarun mariaddi!”

ROMA 14:4

Isai tuṛṛangnga, na'oman sara tuṛṛangnga mamarikissa allangngu taumata waine? Mawae ete allangnga udde nema'a ara'e dirumarisikka, udde singkaten mawune. Wuṛṛu atonna allangnga udde sarun dumarisikka matul᷊ida, ana waugu Mawu wotongnge mapararisikki tou matul᷊ida.

ROMA 14:5

Pia taumata mammendama sambau allo apan apianne wuassu manga allo waine, arawe pia lai taumata waine mammendama manungku manga allo udde uasul᷊ungnga. Wala'e sambau-sambau manantunu apulu naungnge sassane.

ROMA 8:38

Ana waugu i ya'u mangngimanna atonna, manungku su ahewallu runia, mawae ete papate aroddi lai sulal᷊ummu mabbiakka, mawae ete mala'ekatta aroddi lai tembonannu runia, mawae ete papata'utta tempo indi aroddi lai su tempo addantane, ara'e manga taṛṛino apan waine;

2 KORINTUS 9:8

Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

IBRANI 11:13

Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

IBRANI 11:19

Abraham nangimanna manungku Ruata wotongnge mapaawiakki Ishak apia wuassu papate – nariaddi, wotongnge iwisara, manungku Abraham suete nanengkamma si Ishak apia wuassu papate.