ROMA 4:15 - WUKE SUSI WATTI'U AL᷊AL᷊USASSA

¹⁵ Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

ROMA 4:15 Iomraidhean Croise

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

LAL᷊ALLU 2:22

I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.

YEHEZKIEL 7:19

Wul᷊awanna wuṛṛu sal᷊a'a sarun iramme i mangitou su manga lal᷊anna naal᷊ihidda sapadda, ana waugu su allo Mawu mapasabbangu asasa'u-Ne, wul᷊awanna wuṛṛu sal᷊a'a udde tawe mapanal᷊amatta si mangitou, ewe'e lai mamontolli mangitou sulal᷊ummu rosa. I mangitou tawe mapappaatta ipalluassa ara'e ipalloṛṛo tianni mangitou.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

REENGANNA 32:14

Lumawangnga ere manga iamangngu! I yamiu atonna ammul᷊annu manga taumata marosa apan ma'ola'a asasa'un Mawu nangillembo su walahannu Israel!

YOHANES 15:22

Unnu wisara i Ya'u tawe nirumanta, wuṛṛu tawe namasingkattu sarangkanambone udde si mangitou, i mangitou tawe dosane. Arawe orassa indi i mangitou tawe mapassinaaddu rosa mangitou.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

ROMA 1:17

Ana waugu ringannu Watti'u Al᷊al᷊uassa udde Ruata napaal᷊iatta'a ereapa lal᷊anne paa'aukku taumata ringannu Ruata maola'a apia; lal᷊anne eteudde ringannu mangngimanna Ruata, wuassu panattaṛṛanne saran pangudusanne. Udde ere lai uawoṛṛetta sulal᷊ummu Wuke Susi, “Taumata apan mangngimanna Ruata ma'oman sara paa'aukka ringannu Ruata maola'a mapia, taumata udde sarun masal᷊amatta!”

ROMA 5:13

Tantal᷊anna titan agama Yahudi taambe nionggola, rosa sulal᷊umpen dunia. Arawe rosa taambe niapaasal᷊a ana waugu taambe tita apan lallawanganna.

1 KORINTUS 15:56

Taṛṛinon papate eteudde rosa, wuṛṛu rosa mappaamattu apulune sulal᷊ummu titan agama.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

KOLOSE 3:6

Manga inolaanna ereudde mapaal᷊atton wontogu Ruata su manga taumata apan mal᷊awangnga.

1 YOHANES 3:4

Taumata apan ma'ola'a rosa, nilumawangnga titan Duata; ana waugu rosa uddewe lal᷊awangnga su titan Duata.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.