ROMA 4:12 - WUKE SUSI WATTI'U AL᷊AL᷊USASSA

¹² Abraham lai iamangngu manga taumata mangngimanna apan tuttuṛṛutta atorannu sunatta. I tou lai iamangngu manga taumata mangngimanna wal᷊ine tumba'u ana waugu i mangitou tuttuṛṛutta atorannu sunatta, arawe i mangitou lai apan mabbiakka ringannu mangngimanna Ruata, ere lai Abraham su tempo i tou taambe tinumuṛṛutta atorannu sunatta.

ROMA 4:12 Iomraidhean Croise

AYUB 33:11

I tou nama'issu ṛate su ledda'u; wuṛṛu ua'ellega al᷊awo'u lempangku.’

DARALO 47:9

Ruata ua'ianna su adderan araratuan-Ne apan susi; i Tou uaparenta manga walahanna.

AMSAL 2:20

Ana waugu udde, ana'u, pangaṛṛusse tul᷊addan taumata mapia, wuṛṛu pabbiakke ere su apulun Duata.

ANTARI MAWANTUGA 1:8

Ṛatadde i'o waggan tampane, ei i'o aṛṛamahanne suwallattu wawine? Pallaṛṛenggente lanna'u amatannu amul᷊annu domba wuṛṛu lu'arete manga ambingu maranin paddasanannu manga mallal᷊u'adda.

YEHEZKIEL 33:24

“Ei taumata apan mattate, manga taumata apan uatana'a su winalal᷊annu manga soa su leta'u Israel mabbisara, ‘i Abraham naasomba ahewallu leta'a indi, sumbal᷊i i tou tumba'u sangkatou. I ite indi manambo reenganne, nariaddi leta'a indi mabbal᷊i pussa'ang kite.’ ”

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

2 KORINTUS 12:18

I ya'u suete nandolokki Titus inai mattembo si yamiu, wuṛṛu i ya'u nandolokku tuṛṛangnga waine apan Saṛṛani inai su sambau ringanni tou. Apa Titus nanganu auntunganna wuassi yamiu? Arawe iambua mammanara ringannu pandumma apan uasul᷊ungnga wuṛṛu ma'ola'a ringannu inolaanna apan uasul᷊ungnga!

1 PETRUS 2:21

Ana waugu eteudde Ruata namaggo si yamiu. ana waugu Kristus sassane suete natataṛṛangnga asasusa ana waugu i yamiu, wuṛṛu ana waugu udde i Tou nangonggolu tul᷊ada si yamiu, tadea'u i yamiu manantuṛṛutta wal᷊ada-Ne.