ROMA 3:5 - WUKE SUSI WATTI'U AL᷊AL᷊USASSA

⁵ Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

ROMA 3:5 Iomraidhean Croise

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

ROMA 3:7

Arawe amungkangngu manga inolaanna apan nassal᷊a, apa apan naṛṛino su ola'u Ruata lembon lumiatta'a ma'oman sara i Tou raloanna, anio taumata apan ma'ola'a al᷊al᷊eo udde ta'e iapaasal᷊a ere taumata marosa?

ROMA 4:1

Amungkangngu aroddi, apa apan wotongnge iwisara su ola'i Abraham iupungngu al᷊amonan walahanni ite? Ereapa watti'u pabbiaṛṛanne?

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

ROMA 6:1

Amungkangngu aroddi, apa apan sarun iwisarang kite? Ṛinonewe i ite sidutu ma'ola'a rosa, tadea'u Ruata lembo mandangngu si ite?

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

ROMA 9:30

Nariaddi, audusanne iwisara arendi: Manga walahanna waine apan wal᷊ine Yahudi tawe madea'a tadea'u paa'aukki mangitou ringannu Ruata maola'a apia. Arawe ana waugu i mangitou mangngimanna, ne Ruata na'ola'a paa'aukki mangitou ringanni Tou naola'a apia.

1 KORINTUS 15:32

Amungkangngu udde tumba'u wuassu taumata sassane, apa auntunganne si ya'u mammanara naal᷊ihida ere uasaruanna winatangnga waṛṛani su soa indi, su Efesus? Amungkangngu atonna taumata nate tate iapaawiakka apia, ei, mappianne i ite tumuṛṛutta sasanato'a indi: “Wette i ite umanna wuṛṛu ma'inumma wuṛṛu lumuassa, ana waugu tiṛṛabi lai i ite sarun mate.”

1 KORINTUS 9:8

I ya'u namasingkatu olangnge udde wal᷊ine tumba'u pinangiananne apan inanaramanna su pabbiaṛṛanna miallo-miallo, arawe ana waugu Wuke Susi namasingkata lai su olangnge udde.

2 KORINTUS 6:4

Arawe sulal᷊ummu al᷊awo'u inolaanna i yami mapaal᷊iatta'a manungku ete i yami allangngu Ruata. Ana waugu al᷊awo'u hatin asasusa buatte niapendamanni yami ringannu sabare;

2 KORINTUS 7:11

Annama'a i yamiu panutukka, apa asombangani yamiu wuassu asasusa apan su lal᷊annu apulun Duata! Sombangnge eteudde i yamiu atonna-tonna maṛṛusahadda manilangnga apan mal᷊abukka! I yamiu naola'a maddantinu rosa, i yamiu mata'utta, i yamiu marangngu, i yamiu naola'a matohassa, i yamiu maapulu maṛṛuumannu taumata nassal᷊a! Sulal᷊ummu al᷊awo'u hatto indi, yamiu buatte napaal᷊iatta'a manungku i yamiu tawe nassal᷊a.

GALATIA 2:18

Amungkangngu i ya'u manattakke mapararisikka apia atorannu titan agama apan buatte ta'u nihohakka, ne i ya'u napaal᷊iatta'a manungku i ya'u buatte na'ola'a lumal᷊awangnga tita udde.

GALATIA 3:15

Manga tuṛṛangnga! Mappianne i ya'u mappaamattu sambau tul᷊adda wuassu apa apan buatte niapendamanna miallo-miallo. Amungkangngu taumata ma'ola'a sambau paaire wuṛṛu paaire udde buatte nia'u su sambau, ne tawe saran sangkatou apan wotongnge mamal᷊u paaire udde, ara'e manamba paaire udde.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!