ROMA 3:4 - WUKE SUSI WATTI'U AL᷊AL᷊USASSA

⁴ Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”

ROMA 3:4 Iomraidhean Croise

AYUB 36:3

Asingka'u mal᷊alangnga; udde sarun ta'u ipaatta ipattiala manungku Manddariadi'u matul᷊idda.

AYUB 40:8

Apa i ya'u massinaaddu atatul᷊i-U, wuṛṛu mapaaṛṛinon watangannu ringannu mapasal᷊a-U?

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 116:11

Sulal᷊ummu al᷊ingu'u i ya'u nabbisara, “Tawe saran sangkatou apan wotongnge pangimananna.”

DARALO 119:160

Anambon ṛengetannu naṛṛino, al᷊awo'u tita-Nu matul᷊idda saran mal᷊annu-l᷊annu.

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

MATIUS 11:19

Orassa indi Ana'u Taumata, nirumanta – i Tou u'anna wuṛṛu ma'inumma; see manga taumata mabbisara, ‘Pa'ellega taumata udde! Wal᷊iu, taṛṛa wu'anna, hawene maddarorongnga wose, wuṛṛu hawene taumata marosa.’ Salaiwe aroddi, apapande Ruata niatialanna wuassu manga wuane.”

LUKAS 20:16

I tou sarun dumanta wuṛṛu mamate manga mammamanara udde, see manantillu wailla udde su mammamanara waine.” Naaringikka aroddi, nabbisarate manga taumata su Mawu Yesus, “Atonna-tonna tawe!”

YOHANES 3:33

Taumata apan mangngimanna tatiala-Ne udde, mangnga'u manungku Ruata udde atonna.

ROMA 11:1

I ya'u maiwal᷊o: Apa Ruata suete nandammen walahan-Ne sassane? Atonna tawe! I ya'u sassane sangkatou taumatan Israel papapulunni Abraham, wuṛṛu wuassu ṛuanganni Benyamin.

ROMA 11:11

I Ya'u maiwal᷊o apia; Su tempon taumatan Yahudi nanawo, apa udde mariaddi tadea'u i mangitou maṛṛimunsa'a? Atonna-tonna tawe! Arawe ana waugu i mangitou marosa, ne walahanna waine naasomba asasal᷊amatta, na'oman sara taumatan Yahudi tawe mal᷊uassa su walahanna waine udde.

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

ROMA 7:13

Ei, apa indi atappasanne manungku apapia udde mandantan papate si ya'u? Asinungka tawe! Tumba'u rosa apan mandantan papate udde. Ringannu mappaattu apapia, rosa mandantan papate si ya'u, tadea'u pallal᷊agun rosa aasiloanna ringannu masemakka. Wuassu lal᷊ummu manga parentan Duata, niatialanna manungku lal᷊eo atonna rosa udde.

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

ROMA 9:14

Apa panginsueannu ṛingiṛṛanni ite orassa indi? Manungku Ruata udde tawe matul᷊ida? Atonna Ruata udde matul᷊ida!

1 KORINTUS 6:15

Manga tuṛṛangnga masingkata manungku wadangngu eteudde wageangngu wadangngi Kristus. Nariaddi wotongngewe i ya'u manganu sambau wageangngu wadangngi Kristus, see olaanna wageangngu wadangngu sangkatou wawine masandaga? Mangke tawe wotongnge!

2 KORINTUS 1:18

Ringannu arannu Ruata apan apangngimananna, paaire'u si yamiu wal᷊inewe “Ore” wuṛṛu “Tawe”.

GALATIA 2:17

I yami mappandumma masasangkapia apia ringannu Ruata ringannu mabbiakka uaaukki Kristus. Arawe amungkangngu buatte na'ola'a aroddi, inauranna i yami ta'e lai “manga taumata marosa” ere lai manga taumata wal᷊ine Yahudi, apa indi atappasanne manungku ete Kristus apan naarosa si yami? Natantuna tawe!

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

1 YOHANES 5:10

Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.