ROMA 3:2 - WUKE SUSI WATTI'U AL᷊AL᷊USASSA

² Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

ROMA 3:2 Iomraidhean Croise

DARALO 119:140

Paaire-Nu matohassa wuṛṛu apangimananna, i ya'u tumaniten marangngu.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 7:38

Ete i Musa lai apan su pattangngannu walahannu Israel su wadda'a, naola'a uatangnga mala'ekatta apan mabbisara si tou su Wowon Sinai ringannu iupungngu al᷊amonang kite. Ete i tou apan nanengkamma watti'a apan wiakka wuassu Ruata niapaasingkatta si ite.

ROMA 1:2

Watti'u Al᷊al᷊uassa udde buatte nipa'iren Duata su tempo rorone sulal᷊ummu manga nabi-Ne wuṛṛu nawoṛṛette sulal᷊ummu Wuke Susi.

ROMA 2:18

Tuṛṛangnga naasomba manga tatantiro wuassu tita udde, na'oman sara i'o masingkatu pandummu Ruata wuṛṛu masingkata mamile suapa apianne.

ROMA 3:1

Amungkangngu aroddi, apa auntunganne maola'a taumatan Yahudi? Wuṛṛu apa lai auntunganne tuttuṛṛutta atorannu sunatta?

ROMA 3:3

Arawe ereapa amungkangngu sambageanganna taumatan Yahudi tawe tumuṛṛutta? Apa ana waugu Ruata tawe umakkanna?

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

GALATIA 2:7

Arawe manga taumata apan aellehanna piaṛṛange udde mangnga'u manungku Ruata buatte napamanara'u mamasingkatu Watti'u Al᷊al᷊uassa su taumata wal᷊ine Yahudi, ere lai i Tou buatte napamanaram Petrus namasingkatu Watti'u Al᷊al᷊uassa udde su taumatan Yahudi.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 22:6

See mala'ekatta udde nabbisara si ya'u, “Manga wisara indi atonna wuṛṛu wotongnge apangimananna. Mawu Ruata apan nangonggolu Ghaṛṛaho-Ne su manga nabi, suete nandolokku malaekan-Ne mamantingida su manga allang-Nge apa apan sarun mal᷊ihakke mariaddi.”