ROMA 2:5 - WUKE SUSI WATTI'U AL᷊AL᷊USASSA

⁵ Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

ROMA 2:5 Iomraidhean Croise

2 TAWARIKH 30:8

Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

AYUB 21:30

I mangitou mabbisara, “Su allo Ruata mangonggollu ṛuumanna, manga mandal᷊al᷊eo sarun iapasal᷊amatta.”

DARALO 110:5

Mawu udde su samba'a uanannu, napawe i Tou masa'u, manga ratu iwaddo-Ne.

DARALO 95:8

“Imbaṛṛangnga tawe maddaringikka ere al᷊amonanu su Meriba, ere sutempo i mangitou su Masa, su wadda'a.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

SASABANGNGA 32:34

Roote orassa indi, wuṛṛu apira'e i mangitou udde watukku tampa apan buatte niwal᷊o si'o. Mala'eka'-U sarun mangehetta si'o, arawe tempone sarun dumanta manga taumata udde sarun Ta'u iṛṛuumanna ana waugu manga rosan mangitou.”

SASABANGNGA 8:15

Napawe ratu naasilo manungku manga a'akka udde natete, naungnge naatikke. Wuṛṛu ere buatte niwal᷊o Mawu, ratu maddiri maddaringikka wisara i Musa wuṛṛu i Harun.

AMSAL 1:18

ewe'e manga taumata lal᷊eo udde ewe'e mantaingngu sedda su watanganne sassane – sedda apan manilaka si mangitou.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

AMSAL 28:14

Pangaddate Mawu sidutu, ne i'o sarun su lal᷊umanna'a. Amungkangngu i'o lumawangnga si Tou, i'o sarun maasomba asasilaka.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

YEREMIA 40:3

Orassa indi olangnge udde buatte niolang-Nge, ana waugu walahannu buatte na'ola'a rosa wuṛṛu tawe tumuṛṛutta si Tou.

YEHEZKIEL 11:19

I mangitou sarun Ta'u onggol᷊annu naungnga apan bakku wuṛṛu pallal᷊agu apan bakku. Naungngi mangitou apan aatikke ere watu sarun Ta'u anuanna wuṛṛu Ta'u hantiannu naungnga apan matuṛṛutta si Ya'u.

YEHEZKIEL 3:7

Arawe walahannu Israel maddiri maddaringikka si'o, ewe'e i Ya'u lai tawe pandumanni mangitou. I mangitou sarangkanambone puane maatikka wuṛṛu apulune lullawangnga.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

HOSEA 13:12

Mawu nabbisara, “Rosa wuṛṛu pasasal᷊an Israel buatte niwoṛṛetta wuṛṛu buke wawoṛṛetannu aranne buatte nisahipunna.

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

TAHIUL᷊E 32:34

Mawu uanaungnga inolaannu manga seen-Ne wuṛṛu sarun makkuumanni mangitou su tempone.

2 TESALONIKA 1:5

Isindi nasemakke aroddi atul᷊idde pamamarikissu Ruata: I yamiu suete natataṛṛanga ana waugu Runia Wakkun Duata, ana waugu udde i yamiu wotongnge sumutta sulal᷊umme.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

IBRANI 3:15

Ete indi apan uawoṛṛetta sulal᷊ummu Wuke Susi, “Amungkangu su allo indi yamiu naaringikka tingikku Ruata, imbaṛṛanga i yamiu tawe madaringikka, ere iupungngu al᷊amona, su tempo i mangitou lullawangnga Ruata.”

IBRANI 4:7

Ana waugu Ruata suete nanantunu sambau allo apan baine lai, apan isassago “Allo Indi”. Manga pira tonna wua'udde Ruata nabbisara su olangnge udde sulal᷊ummi Daud, su addoanne apan ere niwoṛṛetta tanginna, “Amungkangu su allo indi yamiu maaringikka tingikku Ruata, imbaṛṛanga i yamiu tawe maddaringikka.”

YAKOBUS 5:3

Wul᷊awanna wuṛṛu sal᷊aanu nitaiante, taine sarun maola'a tatiala lumawangnga si yamiu wuṛṛu sarun umanna wadangu ma'oman sara masue ere putungnga. I yamiu suete nangombon darotongnga su tempo maraniten allon panginsueanne.

YOSUA 11:20

Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”

1 SAMUEL 6:6

Apa hunane i yamiu makkuumanni naal᷊ihidda; ratu wuṛṛu manga taumata Mesir dorone? Arie pa'abbul᷊iane ereapa Ruata nannalangnga si mangitou, na'oman sara i mangitou pia awawal᷊u wuṛṛu namalan mangitou nanantangngu Mesir.