ROMA 2:12 - WUKE SUSI WATTI'U AL᷊AL᷊USASSA

¹² Manga taumatam walahanna waine marosa ana waugu waggan titan agaman taumatan Yahudi. Nariaddi i mangitou iṛṛuumanna su liuddu atoranna udde. Arawe manga taumatan Yahudi apan marosa buatte naasingkatta udde; ana waugu udde i mangitou sarun parikisanna tumuṛṛuttu tita udde.

ROMA 2:12 Iomraidhean Croise

MATIUS 11:22

Paanaunge, su Allong Kiamatta, manga taumatan Tirus wuṛṛu Sidon malluasanna ampungannu Ruata wuassi yamiu.

MATIUS 11:24

Paanaunge, su Allong Kiamatta, taumatan Sodom malluasanna ampungannu Ruata wuassi yamiu!”

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

1 KORINTUS 9:21

Su saruannu taumata wal᷊ine Yahudi, ya'u mattingkaola'a naal᷊ihida taumata wal᷊ine Yahudi, apan mabbiakka su liuddu titan Musa. I ya'u na'ola'a udde tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Arawe udde tawe'e manungku i ya'u tawe tumuṛṛutta manga parentan Duata; arawe i ya'u sidutu iappiaṛṛa'u manga parenta wuassi Kristus.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

TAHIUL᷊E 27:26

‘Niawontohante taumata apan tawe tumuṛṛutta tita wuṛṛu al᷊aṛṛa'u Mawu Ruata ringannu pallal᷊aggu.’ ‘Amin!’ ”

YAKOBUS 2:10

Taumata apan nilumawanga sambau wuassu wallatu manga tita Ruata, udde atappasanne nilumawangnga sarangkanambone.