ROMA 2:10 - WUKE SUSI WATTI'U AL᷊AL᷊USASSA

¹⁰ Arawe anambon taumata apan maapulu ma'ola'a apapia sarun onggol᷊annu Ruata awawantuga wuṛṛu aaddata see al᷊al᷊uassa; paarorone su taumatan Yahudi, aroddi lai manga walahanna waine.

ROMA 2:10 Iomraidhean Croise

AYUB 22:21

Ne, Ayub, paddameten Mawu, tadea'u i'o maasomba atatammudda. Amungkangngu udde olaannu, i'o sarun maasomba auntunganna.

DARALO 15:2

Taumata apan mabbiakka tawe sangkulle wuṛṛu inolaanne mapia, wuṛṛu ringannu matul᷊idda mabbisara suṛṛinone;

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 8:18

Si ya'u nasaddiate paa'ala see lai awawantuga wuṛṛu lal᷊umanna'a.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

YESAYA 55:12

I yamiu sarun manantangngu Babel ringannu al᷊al᷊uassa, wuṛṛu iuntudda sumabbangnga ringannu sal᷊amatta. Wowone wuṛṛu wuidda sarun lumuassa wuṛṛu maggio, manga aal᷊uanna su wawail᷊anna mattal᷊o'appu lima.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

REENGANNA 6:26

Antimanna Mawu mandangngu si yamiu wuṛṛu mangonggolu paddarame si yamiu.

MATIUS 10:13

Amungkangngu manga taumata su wal᷊e udde manarimmatta si yamiu, wala'e tabeanu udde matatana'a ringanni mangitou. Arawe amungkangngu i mangitou tawe manarimmatta si yamiu, welenga'a apia tabeanu udde.

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

LUKAS 22:14

Napawe na'omate tempone umanna annu Paskah udde, Mawu Yesus inuma'ianna su sampunna ringannu manga mallal᷊aṛṛenggen-Ne su sal᷊iwangnga udde.

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 2:9

Suapan taumata apan maapulu ma'ola'a al᷊al᷊eo sarun masansara wuṛṛu matataṛṛangnga; paarorone taumatan Yahudi, wuṛṛu lai manga walahanna waine.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

ROMA 9:21

Wal᷊inewe taumata apan na'ola'a tampa m bunga udde na'ola'a leta'a udde walate apulun naungngi tou? Wuassu sangkompenga leta'a taumata udde nallanginnu tampan bunga udde darua hatine; sambau mapia wuṛṛu sambau lai tawe tumaniten mapia.

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

IBRANI 2:7

Su tempo apan mal᷊ihakka I'o mandiaddi si tou mabbawoanna adio'a wuassu mala'ekatta. I'o nangonggolu ai'ananna si tou apan mawantuga wuṛṛu lembon a'addatanna.

YAKOBUS 2:22

Isindi natualage manungku pangangimanna ṛinone iapaal᷊iatta'u pallal᷊agu tadea'u masuungnga.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.