ROMA 15:8 - WUKE SUSI WATTI'U AL᷊AL᷊USASSA

⁸ Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.

ROMA 15:8 Iomraidhean Croise

AMSAL 8:7

Apan ta'u niwisara, sarangkanambone atonna, ana waugu i ya'u maddantinnu wawahia.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

ROMA 11:30

Dorone i yamiu maddiri tumuṛṛutta Ruata. Arawe orassa indi Ruata buatte napaal᷊iatta'a manungku i yamiu nal᷊iute wuassu pasasal᷊a, ana waugu taumatan Yahudi maddiri tumuṛṛutta.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

ROMA 3:26

Arawe orassa indi i Tou mammangalo rosa ana mapaal᷊iatta'u atatul᷊idda. Ringannu olangnge aroddi i Tou mapaal᷊iatta'a manungku watangan-Ne tawe bahiane; wuṛṛu anambon taumata mangngimanna Mawu Yesus, nareengnga taumata apan naaukke apia ringannu Ruata.

ROMA 3:3

Arawe ereapa amungkangngu sambageanganna taumatan Yahudi tawe tumuṛṛutta? Apa ana waugu Ruata tawe umakkanna?

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

1 KORINTUS 10:29

Pandumangku wal᷊ine tingikka wuassu lal᷊ummu naungngu, arawe tingikku lal᷊ummu naungngu taumata udde. Asinungka piaddu maiwal᷊o, “Ei anio apulu'u pia taumata maningadda?

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

2 KORINTUS 1:20

Ana waugu sulal᷊ummi Tou Ruata suete nabbisara “Ore” su al᷊awo'u paaire-Ne. Ana waugu udde i ite mabbisara “Amin” su Ruata ana waugu Yesus Kristus. I yami na'ola'a aroddi tadea'u Ruata wantuhanna.

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.