ROMA 14:9 - WUKE SUSI WATTI'U AL᷊AL᷊USASSA

⁹ Kristus natete wuṛṛu nabbiakke apia. Ana waugu udde i Tou naola'a Mawu manga taumata wiakka wuṛṛu lai manga taumata apan natete.

ROMA 14:9 Iomraidhean Croise

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

YOHANES 12:24

Mangke atonna wisara-U indi: Amungkangngu gandumma sambatu tawe iasi'a su leta'a wuṛṛu mate, i tou ta'e matatana'a sambatu. Arawe amungkangngu watun gandumma udde mate, wakkute udde i tou mabua manambo.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

WATTI'U MANGA RASUL 10:42

Wuṛṛu i Tou nandolokki yami mamasingkattu Watti'u Al᷊al᷊uassa udde su manga taumata apan mattiala manungku ete i Tou apan nitenegu Ruata maola'a Mallaṛṛuungngu manga taumata apan ta'e wiakka wuṛṛu manga taumata apan natete.

ROMA 10:9

Ana waugu amungkangngu tuṛṛangnga mangnga'u ringannu moṛṛongngu manungku “Yesus udde Mawu”, wuṛṛu i'o mangngimanna sulal᷊ummu naungngu manungku Ruata buatte napaawiakku Mawu Yesus wuassu papate, i'o sarun masal᷊amatta.

2 KORINTUS 5:14

Ete darangngun Kristus apan uataṛṛino si yami; wuṛṛu i yami naatutukke manungku amungkangngu sangkatou buatte nate hunan taumata nambo, ne atappasanne manungku taumata sarangkanambone buatte nate.

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 PETRUS 4:5

Arawe i mangitou ṛinone mangonggolu sasimbakke su Ruata apan nasaddiate mamarikissa taumata wiakka wuṛṛu nate.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.