ROMA 14:6 - WUKE SUSI WATTI'U AL᷊AL᷊USASSA

⁶ Taumata apan tumba'u mappaattu manga allo apianne, taumata udde ma'ola'a aroddi ana waugu ipangaddata Mawu. Taumata apan u'anna al᷊awo'u anna, ma'ola'a aroddi ana waugu ipangaddata Mawu, ana waugu i tou maadiangkamanna Ruata ana waugu pabbawiakka udde. Aroddi lai taumata apan tumba'u u'anna anna suete nipilene, taumata udde lai mangadatta Mawu wuṛṛu u'al᷊iomanna su Ruata.

ROMA 14:6 Iomraidhean Croise

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

SASABANGNGA 12:42

Ṛabbi udde Mawu sidutu uataṛṛapa manguntuddi mangitou sumabangnga wuassu Mesir. Wuṛṛu eteudde lai ṛabbi apan sarangkal᷊o'engnge ionggola su Mawu maola'a sambau ṛabbi pananaunganna. Su ṛabbi udde walahannu Israel ṛinone uatehamma.

SASABANGNGA 16:25

I Musa nabbisara, “Indite annu allo indi, ana waugu allo indi allon Sabat, allo pangillol᷊oanna ipangaddata Mawu, wuṛṛu i yamiu tawe maasomba anna udde saran kadio'a suliuddu paddasananna.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

ZAKARIA 14:21

Anambon awali su Yerusalem wuṛṛu su ahewallu Yehuda sarun iṛṛae maola'a pussa'an Mawu Apan Lembontaṛṛino. Tumanangnge apan mangonggollu sasamba sarun mappaattu awali udde pallahanna ṛemessu sasamba. Napawe tempo udde nio'omante, tate lai mabbawal᷊u'a su Wal᷊en Mawu Apan Lembontaṛṛino.

MATIUS 14:19

Wua'udde i Tou nandolokku taumata nambo udde niapaa'ianna su leta'a. See i Tou nanganute limam bau roti wuṛṛu inassa ruam bua udde, see i Tou naningngarate langitta wuṛṛu naadiangkamanna su Ruata. Wua'udde i Tou nattahiate roti udde, ringannu lima-Ne wuṛṛu nianggila su mallal᷊aṛṛenggen-Ne niapatahia su taumata nambo udde.

MATIUS 15:36

See i Tou nanganute roti pitum bau wuṛṛu inassa, wua'udde na'adiangkamanna su Ruata. Wua'udde i Tou nattahiate roti wuṛṛu inassa udde ringannu lima-Ne sassane, see nionggola su mallal᷊aṛṛenggen-Ne. Wuṛṛu i mangitou nattahiate su taumata manambo udde.

YOHANES 6:28

See i mangitou naiwal᷊o si Tou, “I yami ṛinone ma'ola'a apa tadea'u maatuṛṛutta apulun Ruata?”

GALATIA 4:10

I yamiu mallaghu manga allo, manga wul᷊anna, wuṛṛu manga tonna apan suete nitantunna.