ROMA 14:1 - WUKE SUSI WATTI'U AL᷊AL᷊USASSA

¹ Taumata apan pangangimanne ta'e mattul᷊ungnga ṛinone sengkamanna ringannu mapia su wallattu manga tuṛṛangnga. Arie pattatiakka ringanni tou su ola'u pangangimanne.

ROMA 14:1 Iomraidhean Croise

AYUB 4:3

Manambote taumata buatte niaṛṛaannu, wuṛṛu i mangitou apan lome buatte niapatohannu.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YESAYA 42:3

Iawanna apan ual᷊eṛṛe sarun tawe paddianne, sasol᷊oanna apan u'angkeramma sarun tawe paddumanne. Ringannu satia i tou sarun mapal᷊iatta'u atatul᷊idda,

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

ZAKARIA 11:16

Ana waugu i Ya'u sarun mapamanaran sangkatou mallal᷊u'adda iapariaga ammul᷊annu domba-U, arawe i tou tawe maddea'a domba nawul᷊i; i tou tawe maddea'a domba apan nilamammiṛṛane, tawe lai mangundamma domba apan nal᷊essa, wuṛṛu tawe mapa'annu domba apan ta'e wiakka. Ewe'e i tou lai sassane u'inassa ṛemessu domba apan atawanne wuṛṛu nanawutta manga anu'un binatangnga udde.

MATIUS 12:20

Iawanna apan ual᷊a'ukka tawe paddianni Tou, sol᷊o apan u'odo'a tawe padduman-Ne. I Tou sarun mammanara ma'oman sara atatul᷊idda a'omanna;

MATIUS 14:31

Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MARKUS 7:19

Ana waugu sinumutta udde tawe sinumabbi su naungnga, arawe sinumabbi su tianna wuṛṛu wua'udde sinumabangnga apia.” Ringannu wisara udde, Mawu Yesus napaal᷊iatta'a manungku al᷊awo'u anna wotongnge annananna.

LUKAS 17:2

Mappianne amungkangngu pia watun gahilinganna ii'itta su ullekkane, see i tou iwontolla su tahal᷊oangnga wuassu i tou mapaarosan sangkatou su wallattu manga taumata maradio'a indi.

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

WATTI'U MANGA RASUL 28:2

Tumana'u taṛṛanusa udde masaṛṛionto'a atonna si yami. I mangitou nanal᷊oho si yami sarangkanambone ringannu mapia wuṛṛu nakkunuttu putungnga hunang kami ana waugu mangnguṛṛintingke wuṛṛu runia lai masunge.

ROMA 11:15

Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

ROMA 14:2

Pia taumata mangngimanna manungku i tou wotongnge umanna al᷊awo'u anna. Arawe pia lai taumata waine apan lome pangangimanne; i tou mammendama manungku i tou tumba'u wotongnge mabbiakku sayore.

ROMA 14:21

Mappianne ariete pa'inassa ṛemessa ara'e ma'inumma anggore ara'e ma'ola'a manga inolaanna, amungkangngu inolaanna udde maarosa tuṛṛangngu apan su pangangimanna sambau.

ROMA 14:3

Taumata apan u'anna tawe mamile, arie mangadio'a taumata apan u'anna tumba'u anna buatte tinantunne; wuṛṛu taumata apan tumba'u u'anna anna buatte tinantunne, arie lai mapaasal᷊an taumata apan u'anna alawo'u anna, ana waugu Ruata suete nanarimmatti tou.

ROMA 15:1

I ite apan atonna-tonna pia antimma su pangangimanni ite, ṛinone masabare su al᷊awo'u wisaran taumata apan lome pangangimanne. Ariewe i ite tumba'u maapulu malluassa watanganni ite sassane.

ROMA 15:7

Ana waugu udde ṛinone manga tuṛṛangnga uararingikka sangkatou ringannu waine ringannu naungnga mal᷊uassa, ere lai Kristus nanal᷊oho si yamiu ipaddalo Ruata.

ROMA 4:19

Abraham tempo udde masingkata manungku i tou tate lai maasomba walahanna, ana waugu i tou tumaniten timmadde, wuṛṛu uukke maranite maṛṛasutta su tonnane; see lai Sara awingnge udde tinna. Arawe pangangimanni Abraham tawe naurangnga.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

FILIPI 2:29

Nariaddi, sal᷊ohoite i tou ringannu ahewallu al᷊al᷊uassu naungnga ere sangkatou tuṛṛanga sulal᷊ummu pangangimanna sambau. Addate anambon taumata ere i tou.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

IBRANI 5:14

Anna apan maattika udde wuattu taumata timmade ana waugu asingkane, wotongngete maṛṛingidda suapa mapia wuṛṛu suapa apan lal᷊eo.

2 YOHANES 1:10

Ana waugu udde, amungkangu pia taumata rumanta wuṛṛu mabbatti'a si yamiu al᷊aṛṛa'a apan tawe niaṛṛa'i Kristus, arie manarimmattu taumata udde sulal᷊ummu wal᷊enu ara'e mattabea si tou.