ROMA 13:11 - WUKE SUSI WATTI'U AL᷊AL᷊USASSA

¹¹ Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

ROMA 13:11 Iomraidhean Croise

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

YUNUS 1:6

Sutempo apitennu apalla udde nilumintukka wowane, i tou naasangkalla si Yunus isudde tantal᷊anna mattiilla. Ana see i tou nabbisara, “Ṛatadde i'o wotongnge maatiilla su lal᷊ummu olangnge arendi! Otte pabbangunte! Aal᷊iomante su mongannu pa'iontolla. Isai masingkatta i tou sarun umakkanni ite ma'oman sara i ite tawe mate.”

MATIUS 16:3

Wuṛṛu su ruaallo, i yamiu mabbisara, ‘Allo indi manguranna, ana waugu langitta maṛṛamutta wuṛṛu marandumma.’ Ei, yamiu wotongnge maṛṛangngon hatim banua ringannu ma'ellega ola'u langitta, arawe manga tandan tempo tawe iaṛṛangngong kamiu!”]

LUKAS 21:28

Amungkangngu manga olangnge udde mannatakke mariaddi, atimpu'ote wuṛṛu paningngarate, ana waugu ete adio'a lai yamiu sarun maasomba asasal᷊amatta.”

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

YAKOBUS 5:8

Ṛinone i yamiu lai masabbare wuṛṛu pia naungnga wahewalla, ana waugu allon darantan Mawu maranite.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

2 PETRUS 3:11

Ana waugu sarangkanambone udde sarun ṛimunsaanna ringannu olangnge apan aroddi, ereapate ṛinone i yamiu mabbiakka? I yamiu mabbiakka susi wuṛṛu hunane tumba'u su Ruata sassane,

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

SONDAPPA 1:3

Lal᷊umanna'a su taumata apan mabbasa wuṛṛu maddaringikka watti'u papattam wuke indi see tuttuṛṛuta apa apan uawoṛṛetta sulal᷊ummu wuke indi. Ana waugu tate mal᷊annu lai sarangkanambone indi sarun mariaddi.

SONDAPPA 22:10

See i ya'u nabbisara apia, “Imbaṛṛanga mangadappingu manga papatta sulal᷊ummu wuke indi, ana waugu tempone maranite sarangkanambone indi sarun mariaddi.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!