ROMA 12:9 - WUKE SUSI WATTI'U AL᷊AL᷊USASSA

⁹ Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

ROMA 12:9 Iomraidhean Croise

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

DARALO 119:104

Manga tita-Nu nangonggolu pasasunna si ya'u, na'oman sara i ya'u maddantinnu pallal᷊aghu lal᷊eo.

DARALO 119:163

Al᷊awo'u awusu ta'u ipaddantinna, arawe tita-Nu arangnguangku.

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

DARALO 45:7

Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

DARALO 55:21

Hawe'u tabbe namangalo manga ringanne, i tou namal᷊u paairene.

DARALO 97:10

Ei i yamiu apan mandangngu Mawu, aratinten al᷊al᷊eo! Ana waugu Mawu ual᷊u'adda wiakku al᷊aṛanang-Nge, i Tou namallossi mangitou wuassu taṛṛinon taumata lal᷊eo.

AMSAL 26:25

Salaiwe i tou masaṛṛionto'a, arawe arie pangimanna; ana waugu awawinsi uataṛṛino naungnge.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

MATIUS 26:49

Aroddi na'omate su tampa udde, i Yudas lapiddu inai ringannu Mawu Yesus wuṛṛu nabbisara, “Tabea, Iamangnga Huru!” See i tou nangaria'a Mawu Yesus.

YOHANES 12:6

I Yudas nabbisara aroddi wal᷊ine ana waugu i tou tuttundaallu taumata asiangnga, arawe ana waugu i tou taṛṛa ta'o. I tou masokka manna'o roitti mangitou wuassu pangadoannu roitta apan uaraddo si tou.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

1 TESALONIKA 2:3

Yami nangahe si yamiu wal᷊ine sambau inolaanna apan niumal᷊iwu; wuṛṛu lai wal᷊ine ringannu pandumma apan wengkola wuṛṛu ipangngawusu.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

1 TESALONIKA 5:21

Sarangkanambone ṛinone iannamma, wuṛṛu apapia sarun tattuṛṛutanna.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.