ROMA 12:8 - WUKE SUSI WATTI'U AL᷊AL᷊USASSA

⁸ Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

ROMA 12:8 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

DARALO 37:21

Taumata lal᷊eo mabballasa arawe tawe mamelengnga, arawe taumata mapia mangonggolu ringannu naungnga mal᷊uassa.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

YESAYA 32:5

Taumata woddo tate lai addatanna, mallal᷊inga tate isaggo matul᷊idda.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

YESAYA 64:5

I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 13:12

Napawe gubernure udde naasilo apa apan suete nariaddi, i tou nangngimante Mawu Yesus; ana waugu i tou mangke niaguku al᷊aṛṛa'u Mawu.

WATTI'U MANGA RASUL 13:15

Napawe Wuke Musa wuṛṛu Wuke Manga Nabi niwasate, manga piaṛṛa'u wal᷊em pattataṛṛamawuanna udde nandolokku taumata iapaiwal᷊o si Paulus wuṛṛu manga hawene, “Manga tuṛṛangnga, amungkangngu tuṛṛangnga pia sambau al᷊aṛṛa'a su manga taumata indi, wal᷊oa'e al᷊aṛṛa'a udde.”

WATTI'U MANGA RASUL 15:32

I Yudas wuṛṛu i Silas, apan nabi lai, mal᷊annu uahahatto manga tuṛṛangnga apan mangngimanna su Antiokhia udde wuṛṛu nangonggolu sasasa wuṛṛu awawaṛṛani si mangitou.

WATTI'U MANGA RASUL 20:2

I tou nattembo manga jamaatta su wageangngu leta'u Makedonia wuṛṛu i tou manambo mangagilu tatantiro su manga taumata apan mangngimanna Mawu Yesus poiaroddi wuṛṛu mangngonggolu sasasa si mangitou. Wua'udde i tou inaite watukku Yunani.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

WATTI'U MANGA RASUL 4:36

Aroddi lai i Yusuf. I tou lai nabal᷊u'u leta'a, see roinne niapiddi tou wuṛṛu tinantilla su manga rasul. I Yusuf indi sangkatou wuassu papapulunni Lewi wuassu Siprus; manga rasul mammago si tou lai i Barnabas (atappasanne Mallal᷊uassa).

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

ROMA 13:6

Eteudde lai pinangiananne anio tuṛṛangnga mammaekka wose, ana waugu tembonanne udde mamamanaran Duata apan mappaamattu manaran Mawu indi.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

1 KORINTUS 14:3

Mawal᷊i'a, taumata apan mammasingkatu watti'a wuassu Ruata, namasingkattu watti'a udde lai su taumata; ipannohassa pangangimanni mangitou, ipangonggolu sasasa si mangitou wuṛṛu ipallimbata naungngi mangitou.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

2 KORINTUS 9:11

Ringannu aroddi yamiu sarun maasuungnga sulal᷊ummu manga hausannu na'oman sara i yamiu sidutu wotongnge mangonggola ringannu naungnga mal᷊uassa. Wuṛṛu manga aonggoli yamiu apan tattahianni yami, ma'aola'a taumata nambo maadiangkamanna su Ruata.

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

TAHIUL᷊E 15:14

Onggol᷊a'e si tou ringannu naungnga masaṛṛionto'a wuassu saranapa apan nionggolu Mawu Ruatanu si yamiu eteudde ambinga domba, gandumma wuṛṛu anggore.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

1 TESALONIKA 2:3

Yami nangahe si yamiu wal᷊ine sambau inolaanna apan niumal᷊iwu; wuṛṛu lai wal᷊ine ringannu pandumma apan wengkola wuṛṛu ipangngawusu.

1 TESALONIKA 2:8

Ana waugu darangngung kami, yami uasaddia mangonggolla si yamiu wal᷊ine tumba'u Watti'u Al᷊al᷊uassa wuassu Ruata udde arawe wiakki yami lai. Ana waugu i yami tumaniten marangngu si yamiu!

1 TIMOTIUS 4:13

Tantal᷊anna udde, ma'oman sara i ya'u rumanta, i'o ṛinone paaṛṛimadda mabbasan Wuke Susi su saruannu manga taumata, wuṛṛu mannasa si mangitou wuṛṛu mangngaṛṛa'a si mangitou.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

IBRANI 10:25

Ṛinone i ite sidutu ma'ammula suadio'a, wuṛṛu imbaṛṛanga wolo'a ere taumata waine. I ite ṛinone lembon satia wuṛṛu uatatohassa, ana waugu i ite masingkata manungku tate mal᷊annu lai Mawu sarun dumanta.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

IBRANI 13:24

Wal᷊oa tabeang kami su anambon piaṛṛangu wuṛṛu su anambon walahannu Ruata. Sengkama lai tabea wuassu manga tuṛṛanga su Italia.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.