ROMA 12:6 - WUKE SUSI WATTI'U AL᷊AL᷊USASSA

⁶ I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

ROMA 12:6 Iomraidhean Croise

MATIUS 23:34

Paddaringikka paapia-pia: i Ya'u sarun mandolokku manga nabi ringanni yamiu, taumata pande, wuṛṛu manga huru; sangkaadoanna wuassi mangitou sarun pateanni yamiu, wuṛṛu sangkaadoanna waine lai sarun iarussang kamiu. Piaddu sansaranni yamiu lai sulal᷊ummu manga wal᷊em pattataṛṛamawuanna, wuṛṛu i yamiu a'enggenanna wuassu soa sambau watukku soa apan baine.

MATIUS 25:22

See mangangimbe aruane apan nanengkamma rua ṛiwu roitta wul᷊awanna udde nirumanta wuṛṛu nabbisara, ‘Mawu, Mawu suete nanantillu rua ṛiwu roitta wul᷊awanna si ya'u. Pa'ellege, i ya'u naasomba auntunganne rua ṛiwu lai.’

LUKAS 11:49

Ana waugu udde Apapanden Ruata nabbisara, ‘I Ya'u sarun mandolokku manga nabi wuṛṛu manga ralol᷊oṛṛang-Ku ringanni mangitou; sangkawageanganna sarun pateanna wuṛṛu waine lai sarun sansaranna!’

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

WATTI'U MANGA RASUL 15:32

I Yudas wuṛṛu i Silas, apan nabi lai, mal᷊annu uahahatto manga tuṛṛangnga apan mangngimanna su Antiokhia udde wuṛṛu nangonggolu sasasa wuṛṛu awawaṛṛani si mangitou.

WATTI'U MANGA RASUL 2:17

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

WATTI'U MANGA RASUL 21:9

Siri appata anangnge maṛṛuala suete inonggol᷊annu Ruata asingkata tadea'u wotongnge mamasingkattu Watti'u Al᷊al᷊uassa wuassu Ruata.

ROMA 1:11

Ana waugu i ya'u mangke maapulu atonna maisasomban kamiu tadea'u i ya'u wotongnge mattahia darangngu wuassu Ghaṛṛahon Duata ipannohassa si yamiu.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

1 KORINTUS 12:18

I ite naasilo manungku Ruata apan buatte nangaddon manga wageangnge udde su wadangnga. Sambau-sambau niaddon Duata su tampane tumuṛṛuttu apulu-Ne.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 KORINTUS 14:1

Ṛinone i yamiu madea'a suapan botongnge mandangngu manga taumata waine. Wuṛṛu padea'a lai manengkamma manga al᷊amatta apan ionggolu Ghaṛṛahon Ruata, lembonete lai apande ipamasingkatu apulun Duata su taumata.

1 KORINTUS 14:24

Arawe amungkangngu i yamiu sarangkanambone mabbatti'u watti'a wuassu Ruata, see nirumanta sangkatou apan wal᷊ine Saṛṛani ara'e sangkatou raho, ne manga inolaanna apan niapaasingkati yamiu sarangkanambone sarun mapaal᷊iatta'u manga rosan taumata udde wuṛṛu mabal᷊i maatutukka manga rosane.

1 KORINTUS 14:29

Darua ara'e sire tallu apan uatahuanna watti'a wuassu Ruata ṛinone mamasingkattu watti'a udde tantal᷊anna waine maṛṛingiddu apa apan iwabbisara udde.

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.

1 KORINTUS 7:7

Ṛinone i ya'u lembo maapulu amungkangngu anambon taumata maola'a ere i ya'u. Arawe sangkatou-sangkatou buatte nanengkamma al᷊amatta apan uapapaṛṛala wuassu Ruata. Sangkatou pia al᷊amatta indi, waine lai pia al᷊amatta udde.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

FILIPI 3:15

I ite sarangkanambone apan timmaddete su pangangimanna, ṛinone mabbiakka aroddi. Arawe amungkangu su wallatti yamiu pia ṛingiranna waine, ne Ruata sarun manal᷊a'a lai si yamiu.

1 TESALONIKA 5:20

Arie mangaddio'a manga watti'a apan nionggolu Ghaṛṛahon Duata.

2 PETRUS 1:20

Lembonete lai yamiu ṛinone mannaungnga indi: Tanatan Duata apan ipappasingkatu manga nabi tawe wotongnge ital᷊a'a tumuṛṛuttu adapannu sassane.