ROMA 12:3 - WUKE SUSI WATTI'U AL᷊AL᷊USASSA

³ Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

ROMA 12:3 Iomraidhean Croise

AMSAL 25:27

Lal᷊eo ma'inumma pul᷊a apan nilumebbe, aroddi lai lal᷊eo tumaniten manambo maddalo.

AMSAL 26:12

Taumata woddo ta'e lai mappianne wuassu taumata apan massunna watanganne pande.

MANNANASE 7:16

Ariete tumaniten mapia wuṛṛu ariete lai tumaniten pande. Apa hunane mammate watanganne?

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

2 KORINTUS 10:13

I yami tawe aroddi. Amungkangngu i yami mamarabunga, i yami tawe lumiu passaranne. I yami uatana'a sulal᷊ummu passarannu leta'a pammanaranna apan buatte tinantunnu Ruata si yami. Wuṛṛu i yamiu nasutta sulal᷊ummu wageangngu leta'a udde.

2 KORINTUS 12:13

Sulal᷊ummu inolaanna apa i yamiu tawe pandumanna, amungkangngu isumandinga ringannu manga jamaatta waine? Asinungka tumba'u su ola'u inolaanna indi: manungku i ya'u tawe mapaasusan kamiu ana waugu massumbala si ya'u. Ampunge i ya'u su pasasal᷊a'u udde!

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

EFESUS 3:2

Asinungka i yamiu buatte naaringikka manungku Ruata, ana waugu apapia naung-Nge, i Tou suete nangonggola si ya'u manara indi hunane si yamiu.

EFESUS 3:4

wuṛṛu amungkangu i yamiu mabbasa, i yamiu sarun maasunna addapingi Kristus ere lai ya'u maasunna.)

EFESUS 4:16

Sulal᷊ummu piaṛṛa-Nge, anambon wageangngu wadangnga udde uaatokka mapia, wuṛṛu pinasasamputu manga latto'anne sambau-sambau. Wuṛṛu amungkangu suapan wageangnge udde mammanara su atokke, ne ahewallu wadangnga udde sarun tumuwo mabbal᷊i timmade wuṛṛu matohassa sulal᷊ummu darangngu.

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

1 TIMOTIUS 2:15

Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.

1 TIMOTIUS 2:9

Ṛinone papunna wawine mallogakka watanganne ringannu tawe ete pia lembone wuṛṛu mappedetu pedeta pia atoranne. Arie mappaattu uta'a atokke maasili ara'e manga lal᷊ogakka wul᷊awanna ara'e mutiara, ara'e laubba aregane massagada.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

TITUS 2:4

tadea'u ringannu al᷊aṛṛa'a udde i mangitou wotongnge maapangaṛṛa'a manga maṛṛuala mandangngu awingnge wuṛṛu al᷊aṛṛanangnge,

TITUS 2:6

Aroddi lai, tantiroi lai manga al᷊aṛṛana'a umbasana tadea'u i mangitou lai masiṛṛungnga.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

3 YOHANES 1:9

I ya'u suete namoṛṛettu suratta apan maautta su jamaatta, arawe Diotrefes apan maapulu maola'a piaṛṛa'u jamaatta, maddiri tumuṛṛutta si ya'u.