ROMA 12:16 - WUKE SUSI WATTI'U AL᷊AL᷊USASSA

¹⁶ Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

ROMA 12:16 Iomraidhean Croise

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

AYUB 36:5

Ruata udde matohassa! Sarangkanambone udde asingkatan-Ne. Tawe saran sangkatou apan aellehan-Ne addio'a.

AMSAL 17:5

Isai mangngal᷊uandaga taumata masa'ina, mallobbossa taumata Ruata mandariaddine. Isai apan lulluassu asasilakan taumata waine, sarun maasomba ṛuumanna.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 19:22

Pallal᷊agu apan aantimanna wuassu sangkatou eteudde asasatiane. Mappianne asiangnga wuassu mabbal᷊i taṛṛa awusu.

AMSAL 19:7

Taumata asiangnga aaddio'annu tuṛṛangnge, lembonete lai hawene. Salaiwe i tou mattinsahadda, i tou tawe maawohe si mangitou.

AMSAL 26:12

Taumata woddo ta'e lai mappianne wuassu taumata apan massunna watanganne pande.

AMSAL 26:5

Aiwal᷊o apan woddo ṛinone simbaṛṛanna ringannu sasimbakka apan woddo lai, tadea'u isai naiwal᷊o masingkatta manungku i tou wal᷊ine pande ere apan ilaṛṛangngone.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MATIUS 26:11

Taumata asiangnga sidutu isudde su wallatti yamiu, arawe i Ya'u tawe mal᷊annu su sampunna ringanni yamiu.

LUKAS 14:13

Nariaddi, amungkangngu i'o ma'ola'a andeangnga, wal᷊oite taumata asiangnga, taumata pia sangkulle, taumata lome wuṛṛu taumata wuta.

LUKAS 6:20

Mawu Yesus nanutudda mallal᷊aṛṛenggen-Ne see nabbisara, “Lal᷊umanna'a i yamiu manga taumata asiangnga, ana waugu ete i yamiu udde lal᷊oṛṛon araratuannu Ruata!

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

ROMA 15:5

Sal᷊andeanna su Ruata apan mangonggolu asasabare wuṛṛu lal᷊imbata su taumata, mantul᷊ungngi yamiu mabbiakka su paa'aukka tumuṛṛuttu tul᷊adan Kristus Yesus.

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

1 KORINTUS 6:5

Tumaniten maasili! Asinungka su wallatti yamiu pia sangkatou pande apan wotongnge manginsue pattatiakka su wallattu manga tuṛṛangnga apan rundussa Saṛṛani!

1 KORINTUS 8:2

Taumata apan massunna manungku i tou masingkattu sarangkanambone, su ṛinone i tou taambe naasingkata sara al᷊al᷊umanne.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

FILIPI 3:16

Arawe olangnge udde ṛinone inunuannu: I ite ṛinone uatana'a mabbiakka tumuṛṛutta atoranna apan suete niola'i ite na'oman sara orassa indi.

FILIPI 4:2

Tuṛṛangku wawine Euodia wuṛṛu tuṛṛangku Sintike! I ya'u maddorongnga suapan wotongnge iradua naungnge sambau ere manga taumata apan pangangimanne lai sambau.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

3 YOHANES 1:9

I ya'u suete namoṛṛettu suratta apan maautta su jamaatta, arawe Diotrefes apan maapulu maola'a piaṛṛa'u jamaatta, maddiri tumuṛṛutta si ya'u.