ROMA 12:10 - WUKE SUSI WATTI'U AL᷊AL᷊USASSA

¹⁰ Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

ROMA 12:10 Iomraidhean Croise

PANDARIADDI 13:9

Ana waugu udde mappianne i ite mattal᷊ei. Pamilete wageangnge suapa wuassu leta'a indi apan ipaapulunu. Amungkangngu i'o inai su samba'a indi, ya'u sarun inai watukku tampa waine.”

AYUB 1:4

Siri pitu esakka ana'i Ayub pia anaramme ma'ola'a andeangnga su wal᷊en sangkatou-sangkatou ringannu ualal᷊ol᷊ossa. Su andeangnga udde, siri tallu wawine ana'i Ayub niwal᷊oanna lai, ne i mangitou sarangkanambone niumante, na'inumma suadio'a.

DARALO 133:1

Aantarin patatembon Daud. Apiawe eteapa wuṛṛu al᷊uassawe eteapa, amungkangu al᷊aṛṛana'u Ruata mabbiakka su paddarame!

YEREMIA 38:12

I Ebed-Melekh nandolo'u mangaddo manga mal᷊aṛṛenessa udde su anggal᷊ea'u maola'a aampakka, tadea'u tal᷊i udde tawe malliwitta si ya'u. Ne i ya'u tinumuṛṛutta parentan Ebed-Melekh.

MATIUS 20:26

Arawe i yamiu tawe wotongnge aroddi. Arawe taumata apan maapulu maola'a wahewa su wallatti yamiu, ṛinone maola'a mangangimbenu.

LUKAS 14:10

Ana waugu udde, amungkangngu i yamiu wal᷊oanna, pamile tampa su liudde, tadea'u tatahuannu wal᷊e rumanta wuṛṛu mabbisara si yamiu, ‘Hawe wette aiana'e su tampa apianne.’ Ringannu aroddi yamiu a'addatanna su saruannu anambon raho waine.

YOHANES 15:17

Ete indi parenta-U si yamiu: Padarangngute sangkatou ringannu sangkatou.”

YOHANES 17:21

I Ya'u sumal᷊ande, Iamangnga, tadea'u i mangitou sarangkanambone maola'a sambau, ere lai Iamangnga sambau ringang-Ku, wuṛṛu i Ya'u ringannu Iamangnga. Sal᷊andeanna i mangitou maola'a sambau ringanni Ite, tadea'u runia mangngimanna manungku ete Iamangnga apan nandolo-U.

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

1 TESALONIKA 4:9

Tate gunane lai yami mamoṛṛettu suratta si yamiu su ola'u ereapa i yamiu ṛinone mandangngu manga tuṛṛangnga apan sambau su pangangimanna. I yamiu sassane suete niaṛṛaannu Ruata ana see i yamiu uararangngu.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

IBRANI 13:1

Ṛinone i yamiu sidutu mandangngu sangkatou ringannu waine ere sansul᷊ungngu manga taumatan Saṛṛani apan uasasangkatuṛṛanga.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

1 YOHANES 4:11

Manga tuṛṛangnga apan arangnguanna, amungkangu Ruata aroddi arangngune si ite, i ite lai ṛinone marangngu su sansul᷊unga taumata.

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.