ROMA 12:1 - WUKE SUSI WATTI'U AL᷊AL᷊USASSA

¹ Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 12:1 Iomraidhean Croise

DARALO 116:12

Apa apan ta'u ionggola su Mawu, ipabbal᷊issa apapia-Ne si ya'u?

DARALO 19:14

Paarauaawe i ya'u wuassu rosa apan nipattatudda, ariewe pabbala'a i ya'u tataṛinoanne. Ne i ya'u naola'e tawe sangkulle, wuṛṛu nal᷊iute wuassu pasasal᷊a mawakkata.

YESAYA 56:7

“I Ya'u sarun Ta'u iapidda watukku Sion, su wui-U apan susi, wuṛṛu Ta'u onggol᷊annu al᷊al᷊uassa su wal᷊en patataṛṛamawuanna si Ya'u. Manga sasamba apan nionggolli yamiu su mezbah-U sarun Ta'u sengkamanna. Wal᷊e-U sarun isaggo wal᷊en a'al᷊iomanannu anambon walahanna.”

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

LUKAS 7:47

Atonna: darangngune apan wahewa udde napaal᷊iatta'a manungku rosane apan manambo udde suete niampunganna! Amungkangngu taumata onggol᷊annu aampungnga matul᷊ungnga, matul᷊ungnga lai i tou mandangngu.”

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

EFESUS 5:10

Paddea'awe maaillal᷊a apa apan maal᷊uassa naungngu Mawu.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 4:10

Wuṛṛu olangnge indi suete niapaal᷊iatta'i yamiu su saruannu manga tuṛṛanga apan pangangimanna sambau su Makedonia. Arawe manga tuṛṛangnga, i yami sumal᷊ande atonna si yamiu, tadea'u wiakki yamiu maola'a lembon apianne lai.

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

1 TIMOTIUS 2:3

Eteudde apianne wuṛṛu maal᷊uassa naungngu Ruata, Punnu Sal᷊amatti ite.

1 TIMOTIUS 5:4

Arawe amungkangu sangkatou wawine wal᷊u pia al᷊aṛṛana'a ara'e manga pulunna, ete i mangitou udde apan paarorone onggol᷊annu tatantiro manungku i mangitou ṛinone ma'ellega lal᷊ummu wal᷊en mangitou, wuṛṛu mabbal᷊issa apapian timmade wuṛṛu iupungngi mangitou. Ana waugu pallal᷊agu udde maal᷊uassa naungngu Ruata.

FILEMON 1:10

I ya'u Paulus, mangapiddu sambau darorongnga si'o su ola'i Onesimus, ana'u sulal᷊ummi Kristus. Ana waugu sulal᷊ummu tuttupanna indi ya'u naola'e iamangngu pangangimanne.

FILEMON 1:9

Arawe ana waugu i ya'u marangngu si'o, i ya'u tumba'u maddorongnga. I ya'u indi sangkatou timmadde wuṛṛu orassa indi ta'e tataṛṛanganna sulal᷊ummu tuttupanna ana waugu Kristus Yesus.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

1 PETRUS 2:20

Ana waugu amungkangngu i yamiu masabare matataṛṛangu ṛuumanna apan ṛinone maṛṛia'a si yamiu ana waugu pasasal᷊a? Arawe amungkangu i yamiu ringannu sabare matataṛṛangnga asasusa apan naṛṛia'a si yamiu ana waugu na'ola'a apapia, ne Ruata sarun mangal᷊amatta si yamiu.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.