ROMA 11:8 - WUKE SUSI WATTI'U AL᷊AL᷊USASSA

⁸ Ana waugu sulal᷊ummu Wuke Susi uawoṛṛetta arendi, “Ruata na'ola'a naungnga wuṛṛu ṛingiddi mangitou nabbal᷊i maattika; wuṛṛu na'oman sara orassa indi mata mangitou tawe maasilo wuṛṛu tal᷊inga mangitou tawe maaringikka.”

ROMA 11:8 Iomraidhean Croise

2 MARARATU 17:34

Na'oman sara allo indi i mangitou ta'e mappaattu addata inanaramanni mangitou. I mangitou tawe mattaṛṛamawu Mawu wuṛṛu tawe lai tumuṛṛutta manga tita ana see lai manga parenta-Ne apan nionggoli Tou su papapulunni Yakub, apan isassago lai Israel.

2 MARARATU 17:41

Nariaddi, i mangitou massubba Mawu, arawe massubba lai manga paal᷊uanni mangitou. Na'oman sara allo indi lai papapulunni mangitou ta'e ma'ola'a inolaanna udde.

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

YESAYA 6:9

Ana see i Tou nandolo'u inai mangapiddu tanata indi su taumata: “I yamiu sidutu maddaringikka, arawe tawe maasunna. I yamiu sidutu mannutukka, arawe wagga apate apan sarun mariaddi.”

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

YEHEZKIEL 20:26

Ta'u niwala i mangitou nanggal᷊usaa'a watanganne ringannu manga sasamba mangitou sassane, ewe'e lai manga ana'a esakka pahul᷊u niola'i mangitou sasamba. Ringannu olangnge udde i Ya'u makkuumanni mangitou tadea'u i mangitou maasingkatta manungku ete i Ya'u Mawu.

LUKAS 8:10

Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

WATTI'U MANGA RASUL 28:26

Ruata nabbisara, ‘Roote wal᷊oa'a su walahanna indi: I yamiu sidutu maaringikka, arawe tawe maasunna; i yamiu sidutu mannutukka arawe wagga apa apan sarun mariaddi.

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.