ROMA 11:7 - WUKE SUSI WATTI'U AL᷊AL᷊USASSA

⁷ Nariaddi, ereapate? Walahanna Israel tawe naasomba apa apan radeaanni mangitou. Naasomba udde tumba'u sire pira taumata wuassu ammul᷊anna adio'a apan buatte nipilen Duata. Ingana'a waine sarangkanambone nabbal᷊i mal᷊awangnga su wawaggo Ruata.

ROMA 11:7 Iomraidhean Croise

AMSAL 1:28

Sutempo udde i yamiu sarun mamaggo si ya'u, arawe i ya'u tawe sumimbakka. I yamiu sarun maddea'a si ya'u suapan tampa arawe tawe massomba'u.

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

MARKUS 6:52

Al᷊aṛṛindu'a ringannu roti limam bau udde, taambe lai niasunnanni mangitou. Masahadda i mangitou massunna.

LUKAS 13:24

“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta.

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 11:5

Aroddi lai orassa indi: Pia sire pira manga taumata apan buatte nipilen Duata ana waugu al᷊aman-Ne.

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

2 KORINTUS 3:14

Ṛingiddi mangitou nawul᷊ite. Wuṛṛu na'oman sara allo indi lai ṛingiṛṛanni mangitou ta'e lal᷊indumannu tatindungnga su tempo i mangitou mabbasa manga wuken paaire tabbe udde. Lal᷊indumma udde mante mawu'a amungkangngu taumata uaaukka ringanni Kristus.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

FILIPI 1:18

Arawe tawe apane! Ana waugu salaiwe ereapa, mawae udde a'olaanna ringannu pandumma apan mapia ara'e ringannu pandumma apan nassal᷊a, ne Kristus mangke iwabbatti'a lai; nariaddi ya'u lulluassa. Wuṛṛu i ya'u sidutu uapendamma aroddi,

IBRANI 12:17

I yamiu masingkata manungku wua'udde i Esau ma'apulu maasomba al᷊amatta udde wuassu iamangnge, arawe i tou nito'e. Ana waugu salaiwe ringannu lal᷊uai tou maddea'a lal᷊anne ipangapia passasal᷊ane, arawe allo ipaddea'a udde nasuete.